Qazaqstan • 19 Qazan, 2021

Nur Otan: Dárige salynatyn salyqtyqty kóbeıtý baǵany kúrt ósiredi

135 ret kórsetildi

Ulttyq ekonomıka mınıstrligi usynǵan «Nur Otan»-nyń saılaýaldy baǵdarlamasyn oryndaý sharalary partııa janyndaǵy Ekonomıkany damytý jáne kásipkerlikti qoldaý jónindegi respýblıkalyq qoǵamdyq keńestiń otyrysynda synǵa ushyrady, dep habarlaıdy Egemen.kz.

Atap aıtqanda, mınıstrlik respýblıkalyq bıýdjetke túsimdi molaıtý úshin birqatar salyqtyq jeńildikterdi alyp tastaýdy usyndy. Alaıda keńes tóraǵasy, Májilis depýtaty Amanjan Jamalovtyń aıtýynsha, salyqtyq jeńildikterdi alyp tastaý baǵanyń kúrt ósýine jáne ınvestısııalyq ahýaldyń nasharlaýyna ákelýi múmkin. Mundaı sharalardyń respýblıkalyq bıýdjet úshin paıdasy joq.

«Mınıstrliktiń baıandamalaryn tyńdasań, kóp is atqarylyp jatqan sekildi, biraq aýyz toltyryp aıtarlyqtaı dúnıe joq. Bul jeńildikterdi ne úshin alyp tastaý kerek ekeni túsiniksiz. Dárilik zattar úshin qosymsha qun salyǵy boıynsha bul jeńildiktiń ekonomıkalyq áseri joq dep jatady. Biraq qosymsha qun salyǵy taýardyń baǵasyna kirmeı me? Jeńildikterdi alyp tastaý dári-dármek baǵasynyń ósýine ákeletini anyq», dep atap ótti Amanjan Jamalov.

Partııanyń saılaýaldy ýádeleri aıasynda QQS mólsherlemesin saralaý qarastyrylǵan. Ulttyq ekonomıka vıse-mınıstri Azamat Ámrın habarlaǵandaı, áleýmettik mańyzy bar taýarlarǵa QQS-nyń tómendetilgen mólsherlemesin engizý, osy salyq túriniń jalpy mólsherlemesiniń ósýine alyp keledi. Alaıda, Amanjan Jamalov bul máselelerdi bir-birimen baılanystyrýǵa bolmaıtynyn nazarǵa aldy.

«О́tken jyly Qazaqstanda áleýmettik mańyzy bar taýarlarǵa QQS 8%-ǵa tómendetilgen mólsherleme qoldanyldy. Osylaısha, baǵanyń ósýine jol berilmedi. Qazir ınflıasııanyń ósýin eskersek, bul másele asa ózekti. Nátıjesine kelsek, salyq jınalymy tipti artty. Al naqty QQS tómendetilgen mólsherlemesinen bolǵan shyǵyndar, Mınıstrliktiń baǵalaýy boıynsha, bar bolǵany 9 mlrd teńgeni qurady. Sondyqtan jalpy mólsherlemeni kóterý boıynsha talap qoıýdyń qajeti joq, sizderge ondaı tapsyrma berilmegen», dedi Keńes tóraǵasy Azamat Ámrınge.

О́z kezeginde Qarjy vıse-mınıstri Baqtııar Qojahmetov salyqtyq jáne kedendik ákimshilendirýdi sıfrlandyrý boıynsha júrgizilip jatqan jumystar týraly baıandady.

«О́tken jyldan bastap onlaın baqylaý-kassa mashınalaryn (BKM) paıdalanýǵa kóshý júrgizildi. Bıyl «E-salyq-Business» mobıldi qosymshasy arqyly pılottyq joba júzege asyrylýda. Barlyq jerde taýar aınalymyn baqylaý úshin taýarǵa ilespe júkqujat (TIJ) engizilýde», dedi Bahtııar Qojahmetov.

Bul rette, Keńes tóraǵasy 2015 jyldan beri elimizde 660 myńnan astam qatysýshy tirkelgen elektrondyq shot-faktýralar júıesi (EShF) qarqyndy jumys isteıtinin eske saldy.

Otyrys qorytyndysy boıynsha Ulttyq ekonomıka mınıstrligine usynylǵan salyq jeńildikteriniń tizbesin qaıta qaraý, sondaı-aq óndiristik jáne áleýmettik mańyzy bar taýarlarǵa QQS mólsherlemelerin saralaý boıynsha naqty usynystar engizý usynyldy.

Qarjy mınıstrligine qoldanystaǵy júıeler men pılottyq jobalardy jeńildetýge nazar aýdarý jáne basqa júıelermen qaıtalanýdy boldyrmaý maqsatynda «Elektrondyq shot-faktýralar» aqparattyq júıesi negizinde taýarlardyń qadaǵalanýyn qamtamasyz etý usynylady.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar