Ekonomıka • 20 Qazan, 2021

Erbolat Dosaev ınflıasııanyń negizgi sebepterin aıtty

50 ret kórsetildi

Májilistiń jalpy otyrysynda Ulttyq bank tóraǵasy Erbolat Dosaev elimizdegi ınflıasııanyń negizgi sebepterin aıtty, dep habarlaıdy Egemen.kz.

«Bıylǵy jyldyń ekinshi jartyjyldyǵynan bastap Qazaqstanda ınflıasııa tutynýshylyq belsendiliktiń tez qalpyna kelýi, ekonomıkany fıskaldyq yntalandyrýdyń jalǵasýy jáne jekelegen taýar naryqtaryndaǵy teńgerimsizdikteri nátıjesinde ósti», dedi E. Dosaev.

Onyń aıtýynsha, azyq-túlik baǵasynyń ósýi negizgi ınflıasııaǵa qarsy faktor boldy, ol jalpy ınflıasııaǵa jartysynan kóp úles qosady. Azyq-túlik ınflıasııasy bıylǵy qyrkúıekte ýaqytsha jáne ornyqty faktorlardyń áserinen 11,5%-ǵa deıin jyldamdady.

«Osy jylǵy shilde-tamyzda jaz aılaryna tán emes jáne uzaq saqtalatyn kókónister (kartop, sábiz, qyzylsha) baǵasynyń sońǵy jyldardaǵy rekord ósýi tirkeldi. Et, ósimdik maıy jáne qant baǵasynyń ósýi ınflıasııany jyldamdatýdyń turaqty faktory bolyp qalýda, bul ósý deńgeıin álemdik úrdistermen salystyrýǵa bolady. FAO derekterine sáıkes, bir jylda ettiń álemdik baǵasy orta eseppen 26,3%-ǵa, ósimdik maıynyń baǵasy – 61,2%-ǵa, qanttyń baǵasy – 53,5%-ǵa ósti», dedi UB basshysy.

Onyń sózine qaraǵanda, birinshi kezekte tutynýshylyq belsendiliktiń qalpyna kelýi aıasynda janar-jaǵar maı jáne uzaq paıdalanylatyn taýarlar baǵasynyń ósýi nátıjesinde Qazaqstanda azyq-túlikke jatpaıtyn ınflıasııa 7,5%-ǵa deıin jyldamdady.

«Aqyly qyzmetter ınflıasııasy negizinen elektr energııasy, turǵyn úıdi jaldaý jáne kólik qyzmetteri baǵasynyń ósýi esebinen 6,8%-ǵa deıin jyldamdady», dedi E. Dosaev.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar