Bul týraly oblystyq TJD málimdedi.
Baılanys pýnktine kópqabatty úıdiń kórshilerinen qońyraý kelip tústi. О́rt sóndirýshiler birneshe mınýttan keıin TJ ornyna kelip, ekinshi qabatta, jalpy alańy 7 sharshy metr zal bólmesindegi jıhaz, tereze oıyǵy jáne plastıkten jasalǵan balkon janǵanyn anyqtady.
Páterde eki adam boldy. Olar 1969 jyly týǵan er adam jáne 1975 jyly týǵan áıel. Er adamdy esikten evakýasııalaýǵa týra keldi, óıtkeni ol taıaqpen qozǵalatyn. Evakýasııadan keıin qutqarýshylar zardap shekkenderge termııalyq kúıik dıagnozymen medısınalyq kómek kórsetti: áıeldiń denesin 10-19%, páter ıesiniń 30-39%-yn kúıik shalǵan.
Aıta keterligi, ekeýi de mas kúıinde ekeni belgili boldy. Qazir olar Qostanaı qalasynyń qalalyq aýrýhanasynyń travmatıkalyq bólimshesinde jatyr.
«О́rt 01:23-te joıyldy. Oqıǵa ornynda 3 birlik tehnıka jáne jeke quramnan 10 adam jumys istedi. О́rt kezinde úıdiń barlyq turǵyn (onyń ishinde 5 bala 20 adam) ózin-ózi evakýasııalady, olardyń eshqaısysy zardap shekken joq jáne kómekke muqtaj emes», delingen vedomstvo habarlamasynda.
