Qazaqstan • 21 Qazan, 2021

Senator: Mektepter men ýnıversıtetterdi zeınetkerler kúzetedi

36 ret kórsetildi

Senator Aqylbek Kúrishbaev bilim berý nysandaryndaǵy qaýipsizdikti qamtamasyz etý sapasyna narazy, dep habarlaıdy Egemen.kz Senattyń baspasóz qyzmetine silteme jasap.

Senator Ishki ister, sondaı-aq Bilim jáne ǵylym mınıstrlerine joldaǵan depýtattyq saýalynda jaqynda Reseıdiń Qazan jáne Perm qalalarynda oqýshylar qaıtys bolǵan qaıǵyly jaǵdaı oqý oryndaryn qorǵaýǵa kóp kóńil bólý kerektigin kórsetti dep málimdedi.

Senatordyń pikirinshe, Qazaqstanda bul máselede óte mańyzdy kemshilikter bar. Mektepter men ýnıversıtetterdi kóbinese kúzet agenttikteri tóleıtin az jalaqyǵa jumys isteıtin zeınetkerler kúzetedi. Al keıbir jaǵdaılarda munymen lısenzııalary da, daǵdylary da, tártip buzýshylardy ustaý úshin arnaıy quraldary da joq shtattyq vahterler aınalysady.

«Elimizdiń oqý oryndaryndaǵy qaýipsizdik júıesindegi problemalarǵa budan ári kóz juma qaraýǵa bolmaıdy. Sebebi tarazynyń basynda – bizdiń balalarymyzdyń ómiri men densaýlyǵy tur. Ýákiletti memlekettik organdarǵa osy saladaǵy isterdiń naqty jaǵdaıyna synı taldaý júrgizýdi jáne kúzet qyzmetine qoıylatyn talaptardy kúsheıtýdi, jumysqa kásibı kadrlardy tartý jáne qazirgi zamanǵy sıfrlyq tehnologııalardy, onyń ishinde beınemonıtorıng pen beınetaldaýdy paıdalaný arqyly elimizdiń bilim berý obektilerinde qaýipsizdik  júıesin túbegeıli qaıta qaraýdy usynamyn», dedi senator.

Aqylbek Kúrishbaev Senat depýtattary bul jumysqa zańnamalyq deńgeıde belsene qatysýǵa daıyn ekenin atap ótti.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar