Koronavırýs • 21 Qazan, 2021

Pfizer vaksınasy týraly túsindirý jumysyn kúsheıtý qajet

686 ret kórsetildi

QR Bas memlekettik sanıtarııalyq dárigeri Erlan Qııasov AQSh-tyń Pfizer ekpesimen vaksınasııalaýǵa qatysty ádistemelik usynymdaryn jarııalady, dep habarlaıdy Egemen.kz.

Koronavırýsqa qarsy vaksınanyń bul túrin 12 jastaǵy jáne odan úlken jasóspirimder, júkti áıelder (júktiliktiń 16 aptasynan bastap 37 aptasyna deıin), laktasııa kezeńindegi áıelder bosanǵannan keıingi kezeń aıaqtalǵan 42 kúnnen keıin) saldyra alady.

«Vaksına saldyrý aldynda koronavırýsqa antıdenelerdiń bolýyna tekserý júrgizilmeıdi. Vırýspen aýyryp jazylǵan adamdarǵa saýyqqannan keıin 3 aıdan soń vaksınasııalaýǵa bolady. Jergilikti atqarýshy organdardyń aýmaqtyq densaýlyq saqtaý basqarmalary, Sanıtarııalyq-epıdemıologııalyq baqylaý komıteti jáne oblystyq departamentteri birlesip KVI-ge qarsy vaksınasııalaýǵa daıyndyq júrgizý qajet. Sondaı-aq densaýlyq saqtaý júıesiniń barlyq deńgeılerinde jumys toptaryn quryp, is-sharalar josparyn ázirleýi qajet», delingen málimette.

Ekpe alatyndarǵa jatatyn adam sanyna sáıkes egý brıgadalarynyń qajetti sany, vaksına, shyǵyn materıaldary, tońazytqysh jabdyqtar, avtokólik sany esepteledi.

О́ńirlerdegi Densaýlyq saqtaý basqarmasy aýmaqtyq departamentpen jáne bilim basqarmasymen birlesip jaýapty mamandar qatarynan árbir aýdan, qala boıynsha KVI-ge qarsy vaksınasııa júrgizý jónindegi is-sharalardy úılestiretin kýratordy taǵaıyndaýy qajet.

«Bul rette halyqpen jumystyń uıymdastyrylýyna, onyń ishinde azamattardy, kámeletke tolmaǵandardyń ata-analaryn aqparattandyrýǵa nazar aýdarý qajet. Taǵaıyndalǵan kýratorlar: egilýge jatatyn halyqtyń koronavırýsqa qarsy vaksınasııalaýǵa daıyndyǵyn baǵalaýdy, árbir egý brıgadasynyń talapqa saı jasaqtalýyn, vaksınany tońazytqysh jabdyqtarynda saqtaý jáne tasymaldaý qaǵıdalarynyń saqtalýyn, ekpelermen jumys, egý tehnıkasy, egýge ruqsatty durys anyqtaý, vaksına salynǵan soń ımmýndaýdan keıingi qolaısyz kórinister boıynsha medısına qyzmetkerleriniń bilimin baǵalaýdy júzege asyrýy tıis», delingen ádistemelik usynymda.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar