Ekonomıka • 21 Qazan, 2021

Qazaqstan men Qytaı taýar tasymalyn talqylady

68 ret kórsetildi

Qazaqstan men Qytaı arasyndaǵy júk tasymaldaý máseleleri Qazaqstan Respýblıkasy Premer-Mınıstriniń birinshi orynbasary Álıhan Smaıylov pen Qytaı Halyq Respýblıkasy Memlekettik Keńesi Premer-Mınıstriniń orynbasary Han Chjenmen telefon arqyly sóılesý kezinde talqylandy, dep jazady Egemen.kz.

Áńgime barysynda qazaqstandyq tarap avtomobıl jáne temirjol kóligimen júk tasymaldaý kóleminiń azaıýyna baılanysty shekarada úlken kólemde júkterdiń jınalyp qalǵanyna alańdaýshylyq bildirdi.  

«Dostyq – Alashankoý» shekara beketinde Qazaqstannan Qytaıǵa ótetin poıyzdardyń sany táýligine 16-dan 5-6-ǵa deıin tómendedi. Shekarada 7 myńǵa jýyq avtokóliktiń kezekte turyp qalǵany alańdaýshylyq týǵyzady. 

Premer-Mınıstrdiń birinshi orynbasary Á.Smaıylov barlyq júk tıelgen vagondardy Qytaı tarapy qabyldaýǵa daıyn ekenin maquldanǵanyn atap ótti. Ol sondaı-aq temirjol kóligi salasyndaǵy halyqaralyq kelisimder aıasynda tasymaldaý josparyn maquldaǵan tarap júkti óz aýmaǵyna qabyldaýǵa mindetti ekenin eske saldy. 

Taraptar jaqyn arada sanıtarlyq-epıdemıologııalyq talaptardy saqtaı otyryp, birlesken kúsh-jigermen bul máseleni sheshý úshin barlyq múmkin sharalardy qabyldaýǵa ýaǵdalasty. 

Sondaı-aq Qytaı tarapy avtokólikpen, onyń ishinde «Qaljat» ótkizý beketinde kólik qozǵalysyn qalpyna keltirý arqyly júk tasymalyn ulǵaıtýǵa daıyn ekendigin bildirdi. 

Telefonmen sóılesý sońynda taraptar eki el arasyndaǵy Yntymaqtastyq komıtetiniń otyrysyn ótkizý múmkindigin talqylady. 

Esterińizge sala keteıik, Komıtettiń 10-otyrysy bıyl Qazaqstanda ótýi tıis. Ol onlaın túrde ótedi dep josparlanǵan.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar