Tarazda kámeletke tolmaǵan qyz páterdiń balkonyna shyqqan kezde esik jabylyp, qaıtyp kire almaǵan. Sol kezde ótip bara jatqan jas jigit jylaǵan búldirshindi kórip, 4-shi qabattaǵy úıdiń balkonyna órmelep shyǵyp, esikti ashyp bergen. Jigit dúkenge ketken qyzdyń anasy qaıtyp kelgenge deıin onyń janynda bolǵan.
«Kámeletke tolmaǵandar isi jónindegi ýchaskelik polısııa ınspektorlary qyzdyń ata-anasymen profılaktıkalyq áńgime júrgizdi. Qazirgi ýaqytta Taraz qalasynyń Polısııa basqarmasy 1-shi polısııa bóliminiń basshylyǵy jas jigitti marapattaý týraly máseleni qarastyrýda», deıdi oblystyq polısııa departamentiniń ókili.
