Sport • 22 Qazan, 2021

Kimderge úmit artamyz?

104 ret kórsetildi

Aldaǵy jeksenbi kúni Serbııa astanasy – Belgradta bokstan eresekter arasyndaǵy 21-shi álem chempıonatynyń jalaýy jelbireıdi. Jańa erejeler boıynsha ótetin bıylǵy jahandyq birinshiliktiń ja­ńalyǵy kóp. Máselen, Ser­bııadaǵy dodada bylǵary qol­ǵap sheberleri tarıhta tuń­ǵysh ret 13 salmaq dárejesi boıynsha judyryqtasatyn bolsa, jeńimpaz ben júldeger atanǵan boks­shy­larǵa alǵash ret syıaqy taǵaıyndalyp otyr.

«Serbııada top jarǵan boks­shylar endi burynǵydaı óz elderine tek medalmen ǵana emes, sonymen qatar qomaqty aq­sha­laı syıaqymen oralady. Bul jas­tardy boks úıir­mesine barýǵa, shy­nyǵyp, jat­tyǵýǵa jáne jańa shyńdardy ba­ǵyndyrýǵa je­teleıtinine se­nimdimin. Al­daǵy jarystarda osy dástúrdi jal­ǵastyramyz dep oılaımyn. Boks­shylardyń daıyndyqqa ketetin ýaqyty men jattyǵý zalyndaǵy eńbegin, shar­shy alańdaǵy mańdaı terin eskere otyryp, olarǵa qar­jylaı syıaqy taǵaıyndaý týra­ly she­shim qabyldadyq. Boks­shylar rıngte ǵana tabysqa jetip qoı­maı, materıaldyq turǵydan da ózin ózi qamtamasyz etip, odan ári damýy tıis», deıdi AIBA pre­zıdenti Ýmar Kremlev.

Sonymen qatar Belgradta ótetin álem chempıonatynda boks­shylar rıngke alǵash ret aq qolǵap kıip shyǵady. Al olardyń sport kıiminiń túsi burynǵysynsha, kók jáne qyzyl bolyp qala beredi. «Aq qolǵaptar jańa bas­ta­ma­larymyzdyń, sondaı-aq biz uıym­dastyryp jatqan osyndaı aýqymdy is-sharanyń ádildigin bildiredi. Biz árbir sportshy ádil jeńiske jetý úshin bar kúshi­mizdi salamyz», dep atap ótti Ý.Kremlev.

Qazaqstandyq boksshylardyń Tokıodaǵy toqyraýynan keıin jankúıerler álem chempıonatyn­da otandastarymyzdan tek altyn júlde kútetini anyq. Alaı­da tuǵyrdyń bıik satysynan kóriný kez kelgen boksshyǵa bu­ıyra bermeıtini taǵy bar. Son­dyqtan Belgradta qaı boksshymyz top jarýy múmkin ekenin saralap kóreıik. Qazaqstandyq boks sarapshylary Serbııada ánuranymyzdy shyrqatýǵa eń jeńil salmaqta óner kórsetetin Temirtas Júsipovtiń, Tokıo Olım­­pıadasynyń qola júldegeri Sá­ken Bıbosynovtyń (51 kılo) jáne Bek Nurmaǵanbettiń (86 kılo) aıtarlyqtaı múmkindikteri bar dep esepteıdi.

Temirtas Júsipovti qazir na­ǵyz babynda turǵan boksshynyń biri dep aıtýǵa bolady. О́ıtkeni ol jýyrda ǵana Reseı astanasy – Máskeýde ótken áskerıler arasyndaǵy álem chempıonatynda 49 kılo salmaqta chempıon atandy. Sonymen qatar asa jeńil salmaq dárejesi Olımpıadalyq salmaqtyń qatarynan shyǵyp qal­ǵan soń 48 kılodaǵy saqa boks­shylardyń birazy salmaq dárejelerin ózgertken. Máselen, Rıo Olımpıadasynyń chempıo­ny ózbekstandyq Hasanbaı Dýs­matov, Azııa oıyndarynyń jeńimpazy úndistandyq Amıt Pangal jáne taǵy basqa jeńil salmaqtyń úzdikteri qazir 51 kıloda judyryqtasady. Sondyqtan bul synda T.Júsipovke bas­ty qarsylas ózbekstandyq Nodır­jon Mırza­ahmedov atanýy múm­kin. 2019 jáne 2021 jyldary eki dúrkin Azııa chempıony atan­ǵan ol jýyrda ǵana Dýbaıda ótken sary qurlyq birinshiliginde byltyrǵy Qazaqstan chempıonatynda Júsi­povti jeńgen Danıal Sábıtten aı­la­syn asyryp, altyn júldege ıelik etken bolatyn.

Sáken Bıbosynovtyń Tokıo Olımpıadasyndaǵy jarqyn ón­erinen keıin bapkerler de, jan­kúıerler de otandasymyzdan altyn medal kútetini ras. Biraq joǵaryda biz atap ótken Dýsmatov, Pangal sııaqty boks­shylar Bıbosynovqa 51 kıloda qıyndyq týdyratyny anyq.

Al álem chempıony ataný úshin kásipqoı bokstan áýesqoıǵa qaı­ta oralǵan Bek Nurmaǵanbet Ser­­bııada jańa salmaqta baq synaıdy. 86 kılo áýesqoı boksqa jańadan qosylǵan soń, áli bul salmaq dárejesiniń naqty bir kóshbasshysy joq. Sondyqtan Bek osy múmkindikti tıimdi paıdalanýy kerek.

Sonymen qatar álem chempıo­natynda Sabyrhan Mahmud (54 kılo), Sanatáli Tóltaev (63,5 kılo), Abylaıhan Júsipov (67 kılo) jáne aǵaıyndy Nurbek jáne Aıbek Oralbaılardyń júlde­gerler qatarynan kórinetindeı áleýetteri bar.

Sabyrhan Mahmud – elimizdegi talantty jas boksshylardyń biri. Byltyr 52 kılo salmaqta el chempıony atanǵanymen, Tokıo Olımpıadasyna joly túspedi. Ulttyq quramanyń burynǵy bas bapkeri Ǵalym Kenjebaev qyzmetinen ketip jatqanda osy boksshynyń áleýetin joǵary baǵalap, oǵan álemdik syndarda ózin kórsetýine múmkindik bere almaǵanyna ókinetinin aıtyp edi. Endi, mine, Sabyrhanǵa óziniń myqtylyǵyn dáleldeýge tamasha sát týyp tur. Bul salmaq ta jańadan qosylǵan soń, kimniń favorıt ekenin tap basyp aıtý qıyn.

2018 jylǵy Qazaqstan chem­pıony, 2019 jylǵy Azııa birin­shiliginiń qola júldegeri Sanatáli Tóltaev ta sońǵy jyldary táýir nátıje kórsetip keledi. Jýyrda ǵana Aqtaýda aıaqtalǵan Shoqyr Bóltekuly atyndaǵy týrnırde úzdik atanyp, álem chempıonatyna joldama aldy.

Qatarynan eki álem birinshi­liginde qola júldege qol jetkizgen Abylaıhan Júsipov bıyl úshinshi dodasyna bara jatyr. Jastar arasynda álem, Olımpıada chempıony atanǵan jerlesimiz eresekter sapynda sol nátıjesin qaıtalaı almaı keledi. Bálkim osy joly qola­syn altynǵa aýys­tyryp qalar.

69 kılodan 71 kıloǵa aýysqan Aslanbek Shymbergenovtiń jo­ly aýyrlaý bolyp tur. О́ıt­keni bul salmaqta eki dúrkin Olım­pıada, bir márte álem chempıony atanǵan kýbalyq Ronel Iglesıas Sotolongo, 2017 jyl­ǵy Azııa jáne álem chempıony, Rıo Olımpıadasynyń kúmis júl­­degeri ózbekstandyq Shahram Gııasov bar. Dese de otandasymyz sáýir aıynda Reseıdiń Sankt-Peterbýrg qalasynda ótken «Gý­bernator kýbogy» jarysynda Olımpıadanyń eki dúrkin qo­la júldegeri, 2019 jylǵy álem chempıony reseılik Andreı Zam­ko­voıdy aıqyn basymdyqpen utyp, myqtylarmen taıtalasýǵa qaý­qary bar ekenin dáleldegen edi.

Qalǵan boksshylar da el me­reıin asyryp, Belgradtan abyroıly oralady dep úmittenemiz.

Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar