Qoǵam • 22 Qazan, 2021

Tikeleı efırde dóreki sóılegen sheneýnik qatań sógis aldy

382 ret kórsetildi

Oraldyq sheneýnik onlaın rejımdegi jınalys kezinde aıtyp qalǵan dóreki sózi úshin jazalandy, dep habarlaıdy Egemen.kz

BQO ákiminiń orynbasary, memlekettik basqarma basshylary, sondaı-aq jeke uıymdar ókilderi qatysqan beınekonferensııa 16 tamyzda ótken eken.

Keıinirek, 22 qazanda Ádep jónindegi keńestiń otyrysynda bul is qaraldy.

Jergilikti basylym jazǵandaı, sheneýnik «Besıt ýje» degen sózdi aıtqanyn moıyndady, biraq muny beınekonferensııa qatysýshylaryna arnamap edim, dedi ol.

BQO Tabıǵı resýrstar jáne tabıǵat paıdalanýdy retteý basqarmasy basshysynyń orynbasary Bısenǵalı Haırýllın alty aı boıy úsh adamnyń jumysyn bir ózi atqarǵanyn málimdedi: vedomstvo basshysy jumystan shyǵyp, al ekinshi orynbasary júregine ota jasatyp, aýrýhanada jatqan eken.

«Men basshy mindetin atqardym. Bul sózderdi ózine aıtyldy dep qabyldaǵan JShS ókilderi maǵan shaǵymdandy, biraq olaı emes. Jalpy, bul uıymmen bizde 10 aı boıy sot isi júrip jatyr. Sol konferensııa barysynda dybys bolmaı, biz 15 mınýt boıy qosyla almadyq, basqa kabınetke barýǵa týra keldi, men óz qyzmetkerlerime narazylyq bildirip, osy sózderdi aıttym», dedi ol.

Ádep jónindegi keńestiń tóraǵasy Ǵalym Tursynbaev bul sóz birneshe ret aıtylǵanyn aıtty.

«Bir mınýt ishinde siz bul sózdi tórt ret aıttyńyz, oblys ákiminiń orynbasary sizge eskertý jasady. Sózder baılanys barysyndaǵy aqaýlyqtar kezinde emes, sóılep bolǵannan keıin aıtyldy. Biz bul sózderdiń kimge baǵyttalǵanyn bilmeımiz. Siz «Besıt ýje na» dep sóılemdi aıaqtaǵan joqsyz. Sózińiz jazylyp jatqanda bulaı sóıleseńiz, jazylmaıtyn kezde ózińizdi qalaı ustaısyz? Ádep qarym-qatynastaryn saqtaýyńyzdy suraımyn. Jasyńyz alpysta, ózińiz bilýińiz kerek, meniń sizge bul týraly aıtýymnyń ózi yńǵaısyz», dep ashýlandy Tursynbaev.

Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar