«Ortalyq Azııa óńiriniń qaýipsizdigi men qorǵanys áleýetin qamtamasyz etý maqsatynda Qazaqstan tarapy Qyrǵyz tarapyna áskerı múlikti óteýsiz berý túrinde áskerı-tehnıkalyq járdem kórsetedi. Áskerı múliktiń ataýlary men kólemderin taraptardyń ýákiletti organdary osy kelisimge qol qoıylǵannan keıin 2 aı merzimde dıplomatııalyq arnalar arqyly kelisedi», delingen qujatta.
Qazaqstan Qyrǵyzstanǵa qandaı áskerı múlik tapsyratyny kórsetilmedi.
Biraq qyrǵyz tarapy Qazaqstannan alynǵan áskerı múlikti tek osy Kelisimniń maqsattary úshin paıdalanady, Táýelsiz Memleketter Dostastyǵyna qatysýshy memleketterge qarsy paıdalanbaıdy.
Bul rette Qazaqstan tarapy áskerı múlikti Qazaqstan Respýblıkasynyń aýmaǵynan Qyrǵyz Respýblıkasynyń aýmaǵyna avtomobıl kóligimen jetkizýdi qamtamasyz etedi, onda taraptardyń ýákiletti organdary taǵaıyndaǵan ókilder aktini resimdeı otyryp, áskerı múlikti qabyldaý-berýdi júrgizedi.
Qoı-Tash eldi mekenine deıingi kólik shyǵystaryn Qazaqstan tarapy tóleıdi.
Kelisimdi iske asyrý QR Qorǵanys mınıstrligine respýblıkalyq bıýdjette «Qazaqstan Respýblıkasy Qarýly Kúshteriniń jaýyngerlik, jumyldyrý ázirligin qamtamasyz etý» baǵdarlamasy boıynsha kózdelgen qarajat sheginde júzege asyrylatyn bolady», delingen qujatta.
Kelisim jobasy 5 qarashaǵa deıin «Ashyq NQA» saıtynda jarııa talqylaý úshin ornalastyrylǵan.
