«Kenetten joǵalǵan 41 jastaǵy áıeldiń deregi boıynsha jedel qyzmetkerler 21 qazan kúni saǵat 19:30-da Pavlodar aýdany Mıchýrıno aýylynyń shetindegi orman mańynan zorlyq-zombylyq belgileri bar áıeldiń máıitin tapty», dep habarlady Pavlodar oblysy polısııa departamentiniń baspasóz qyzmeti.
Quqyq qorǵaý organdary taratqan málimetke sáıkes, bul fakti boıynsha sotqa deıingi tergeý amaldary bastalǵan.
Pavlodar oblystyq polısııa departamentiniń bastyǵy Nurlan Másimov bul is boıynsha tıisti saraptamalar taǵaıyndalyp, tergeý sharalary júrgizilip jatqanyn aıtyp ótti.
Departament ókilderiniń habarlaýynsha, osy qylmysty jasady degen kúdikpen Sharbaqty aýdanynyń 32 jastaǵy turǵyny ustalyp, ýaqytsha ustaý ızolıatoryna qamalǵan. Qylmystyń mán-jaıy men sebepteri anyqtalýda.
