Bul sapar QR Prezıdenti Qasym-Jomart Toqaevtyń bıylǵy tamyzda Koreıa Respýblıkasyna memlekettik sapary barysynda qol jetkizilgen ýaǵdalastyqtardy iske asyrý aıasynda boldy.
Koreıa Respýblıkasynyń saýda, ındýstrııa jáne energetıka mınıstri Sýng Výk Mýnmen, Samsung Electronics, KIA Motors, Youngsan, LS Mtron, Doosan Heavy Industries & Construction, Simpac, Celltrion jáne Seegene Medical Foundation kompanııalarynyń basshylarymen kelissózder júrgizildi. Naqty jobalar elektrondy jáne taý-ken ónerkásibi, energetıka, medısına, avtomobıl óndirisi, medısınalyq buıymdar men dári-dármekter salalarynda talqylandy.
Sonymen qatar sapar barysynda Koreıa halyqaralyq saýda qaýymdastyǵynyń atqarýshy vıse-tóraǵasymen, Koreıanyń geologııalyq zertteýler men mıneraldy resýrstar ınstıtýtynyń prezıdentimen jáne Koreıa densaýlyq saqtaý salasyn damytý ınstıtýtynyń prezıdentimen ekijaqty kezdesýler ótti. Kezdesýler barysynda taraptar energetıka, taý-ken metallýrgııa kesheni, medısına jáne densaýlyq saqtaý salasyndaǵy yntymaqtastyqty jandandyrýǵa kelisti.
Sonymen qatar Koreıa densaýlyq saqtaý ındýstrııasyn damytý ınstıtýtynyń qoldaýymen densaýlyq saqtaý men farmasevtıka ónerkásibinde jumys isteıtin 20 iri koreı kompanııasynyń qatysýymen dóńgelek ústel ótkizildi.
Buǵan deıin Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha koreıalyq ınvestorlarmen ózara árekettesý úshin QR Premer-Mınıstriniń orynbasary Roman Sklıar bastaǵan arnaıy jumys toby quryldy.
