Bul týraly reseılik TACC agenttigi Saratov oblysy Tergeý komıtetiniń baspasóz qyzmetine silteme jasap aqparat taratty.
«56 jastaǵy er adamnyń mert bolýyna baılanysty tergeýge deıingi tekserý uıymdastyryldy. Aldyn ala málimet boıynsha, 23 qazan kúni kúndiz 56 jastaǵy er adam óziniń úıiniń aýlasynda temir kesetin quraldyń kómegimen snarıadty kespek bolǵan. Sol sátte snarıad jarylǵan. Oqıǵa ornyna shuǵyl jetken tótenshe jaǵdaılar men jedel járdem qyzmetiniń mamandary er adamdy qutqara almady», delingen habarlamada.
Er adamnyń oqıǵa ornynda mert bolǵany aıtyldy. Oqıǵanyń qalǵan mán-jaıy áli naqtylanyp jatyr. Sot-medısınalyq jáne jarylys-tehnıkalyq saraptaý taǵaıyndaldy.
