Bul kezdesýde oraldyqtardy jattyqtyratyn ýkraınalyq maman Vladımır Mazıar birqatar ózgeris engizip, qaqpa kiltin reseılik Stepan Sıkach ustady.
Birinshi taımda alań ıeleri óz basymdylyqtaryn kórsete bildi. Aldymen 15-shi mınýtta belorýssııalyq Alekseı Zaleskıı aıyp dobyn dál oryndady. Sodan keıin 30-shy mınýtta ol 11 metrlik penaltıden de múlt ketken joq. Esep - 2:0.
Esesine ekinshi taımda qonaqtar sátti oıyn kórsete bastady. 46-shy mınýtta ýkraınalyq Alekseı Chıchıkov esepti qysqartty. 67-shi mınýtta reseılik Mıhaıl Gashenkov tarazy basyn 2:2 esebimen teńestirdi. M.Gashenkov ótken oıynda da mergendigimen kózge túsken bolatyn.
Bul týrdan keıin 32 upaı jınaǵan «Aqjaıyq» 7-shi orynǵa jaıǵassa, «Kaspıı» 9-shy satyda qaldy.
30 qazan kúni ótetin el chempıonatynyń sońǵy týrynda «Aqjaıyq» óz alańynda Qostanaıdyń «Tobylyn» qabyldaıdy. Bul qostanaılyqtar úshin sheshýshi kezdesý bolmaq.
