Qazaqstan • 24 Qazan, 2021

Damýdyń senimdi irgetasy

115 ret kórsetildi

Nur-Sultan qalasynda 21 qazanda ótken Qazaqstan halqy Assambleıasynyń Keńesi Táýelsizdiktiń 30 jyldyq mereıtoıyn atap ótetin osy jyly el ómirindegi mańyzdy saıası oqıǵaǵa aınaldy.

Birlik – basty basymdyq

Birinshi kezekte, Keńestiń otyrysy Qazaqstan Prezıdenti – Qazaqstan halqy Assambleıasynyń Tór­aǵasy Qasym-Jomart Toqaevtyń bas­shy­lyǵymen ótti, bul qazaqstandyq qo­ǵam­ǵa birlik, tatýlyq jáne kelisim taqy­ry­by­nyń ishki saıasattaǵy basymdyǵy týraly mańyzdy belgi boldy.

Árıne, Prezıdent Q.K.Toqaevtyń Ke­ńeste sóılegen sózi etnomádenı orta men quzyretti sarapshylar qaýymdas­tyǵynda «birlik pen kelisimniń manıfesi» retinde beıresmı sıpattama alǵany Qazaqstannan tys jerde de rezonanstyq oqıǵa boldy.

Qazaqstandaǵy turaqtylyq pen ta­tý­lyq qoǵamdaǵy yntymaqtastyq pen teń­dikten, ózara senim men qurmetten bas­talady, bul faktini Qazaqstan Prezıdenti QHA Keńesiniń keńeıtilgen otyrysynda sóılegen sózinde taǵy da atap ótti. «Elbasy Nursultan Ábishuly Nazarbaevtyń syndarly saıasatynyń arqasynda Qazaqstanda etnosaralyq jáne konfessııaaralyq keli­simniń biregeı úlgisi qalyptasty. Onyń tıimdiligin álem qaýymdastyǵy moıyndady», dep atap ótti Prezıdent.

Sonymen qatar ol ulttyń shoǵyrla­nýyn nyǵaıtýda Qazaqstan halqy As­sambleıasynyń qyzmeti basty ról atqa­ratynyn, ol barlyq azamatty ortaq mem­lekettilik ıdeıasynyń aınalasyna bi­rik­tire alǵanyn jáne «máni jaǵynan óte kúrdeli másele» – etnostyq máseleni saıasattandyrýdyń aldyn alýdyń tıimdi tetigin qurýǵa múmkindik bergenin atap ótti.

QHA úshin Memleket basshysynyń «qazirgi etnosaıasat tek memlekettik organ­dar­dyń ǵana jaýapkershilik salasy emes» degen tezısi asa mańyzdy boldy. Bul sóz­der Assambleıa qyzmetiniń barlyq ba­ǵytyna, etnomádenı birlestikterdi damytýdy qoldaýǵa, etnosaralyq kelisimdi qalyptastyrýǵa jáne memlekettik til­di nasıhattaýǵa ǵana emes, sondaı-aq qaıy­rymdylyq, medıasııa, azamattyq bel­sendiliktiń basqa da túrleri salasyn­daǵy jobaǵa tikeleı qatysty.

Prezıdent Q.Toqaev táýelsizdiktiń al­­­­ǵashqy jyldarynda kóptegen saıasatker men saıasattanýshy bizdiń memleket­ke tur­­patsyz taǵdyrdy boljaǵanyn es­ke sal­dy. «Qarapaıym adamdar, tip­ti sarap­shy­lar úshin olardyń boljamdary, ási­rese, bu­rynǵy Keńes Odaǵynyń keńis­ti­ginde bol­ǵan etnos­aralyq janjal­dar jaǵdaıynda naq­ty bolyp kórin­di. Alaı­da biz, barshamyz birlese, Qazaq­stan­nyń birtutas halqy pes­sımıstik boljam­dardyń dármensizdigin dá­leldeı aldyq. Jalpyulttyq yntymaq ıns­tıtýty men el birliginiń sımvolyna aı­nalǵan QHA-nyń mańyzy zor», dep atap ótti.

Prezıdent QHA-ny patrıottyq uıym retinde qurmetteýge shaqyrdy. Bul – As­sam­­bleıanyń rólin túbegeıli jańasha baǵa­laý.

Alaıda etnostyq faktor, ultaralyq qatynastar damýdyń qazirgi kezeńinde, ásirese, daǵdarys kezeńinde túrli janjal­dardyń detonatory bolyp tabylatyny anyq, al onyń destrýktıvti áleýeti qazir­gi aqparattyq jáne gıbrıdti soǵystar dá­ýirinde, jıi jarııalanatyn popýlıstik má­lim­demelerde, alypsatarlyqtarda jáne ashyq aran­datýlarda aıtarlyqtaı kúsheıe túsýde – etnosaralyq kelisim ekonomıkaǵa, adam­dardyń áleýmettik jaǵdaıyna tikeleı áser etedi. Sondyqtan Memleket basshysy alda turǵan mindetterdi tabysty oryndaý úshin memleket pen qoǵam birlesip jumys isteýi tıis degen negizdi qorytyndy jasady.

QHA Tóraǵasy Keńes otyrysynda As­sambleıanyń qyzmetin negizdeıtin bir­qatar basymdyqty belgiledi. Birinshi ba­symdyq – teńdik qaǵıdattaryna negiz­delgen óńirlik damý. QHA túrli etnos­tar­dyń birigýine, etnostyq belgisi boıynsha áleýmettik-mádenı oqshaýlaý bolmaıtyn orta qurýǵa kóp kóńil bólýge tıis. Pre­zı­denttiń tapsyrmasy boıynsha bizge osyndaı oqshaýlanǵan etnostyq aýdandar men oramdardyń paıda bolý úrdisin eńserý, sondaı-aq etnostyq toptardyń ókilderi qazaqstandyq bolmystan alystaıtyn «ishki emıgrasııa» fenomenin eńserý jóninde jú­ıeli sharalar ázirleý qajet.

Ekinshi basymdyq – jergilikti atqarý­shy organdar jumysynyń tıimdiligin art­­­ty­rý. Bul rette Assambleıa 2020 jyly ­jer­­­­­gilikti ishki saıasat basqarmalary ja­ny­nan qurylǵan, etnosaralyq qaty­­nas­tar máselelerine jetekshilik etetin bó­lim­der arqyly jergilikti jerlerde atqarý­­shy bı­­lik­ti jetildirýge belsendi túrde ­yq­­­pal etedi. Sonymen qatar atalǵan ju­­mys óńirlerdegi «Qoǵamdyq kelisim» kom­mý­­naldyq memlekettik mekemeleriniń qury­lymy arqyly júrgizilýde. Prezıdent atalǵan óńirlik qurylymdardyń etnos­ara­lyq qatynastar salasyndaǵy jumy­syna jár­demdesýdi, olarǵa tán emes fýnk­sııalar­dy júktemeýdi jáne olardyń kadr­lyq qam­tamasyz etilýine nazar aýdarýdy tapsyrdy.

Úshinshi basymdyq – áleýmettik, qyl­mystyq, turmystyq janjaldardyń aldyn alý. QazaqsTandaǵy etnosaralyq qa­ty­nastar máselelerin saıasattandyrýǵa tal­­pynǵan jaǵdaıda, Prezıdent osy stra­­tegııalyq mańyzdy salany damytýdy jiti qadaǵalaıtyn bıliktiń qolynda atalǵan másele boıynsha barlyq múmkindik pen tetik bar ekenin aıqyn kórsetti. Bul ret­te sarapshylyq qoǵamdastyq da, As­sambleıa­nyń azamattyq belsendileri de, Qazaq­stannyń qarapaıym azamattary da Memleket basshysynyń Keńes otyrysyn­da etnosaralyq máselelerdegi jekelegen ­ke­leńsiz qubylystar men úrdisterdi óz ­atymen atap qana qoımaı, sondaı-aq quqyqtyq saldarǵa soqtyrýy múmkin bo­latyn naqty «qyzyl syzyqtardy» aıqyn­daǵanyn atap ótti.

Qazaqstan Prezıdentiniń «osyndaı kúrdeli jáne ózekti máseleler týraly ashyq, naqty aıtý qajet. Áıtpese, biz týyn­daǵan máselelerdiń kúrdeliligin naqty baǵalaı almaımyz» degen sózderin dál osyn­daı mánmátinde uǵyný qajet.

Memleket basshysy memleket etnos­tar­­dyń áleýmettik-ekonomıkalyq ınteg­rasııasy saıasatyn nysanaly túrde júrgi­zip, janjaldarǵa ulaspaý úshin osy ne­giz­degi kez kelgen teketirestiń jolyn ke­se­ti­nin aıryqsha atap ótti. Memleket basshysy «etnostyq menmendiktiń barlyq kórinisine, olar kimnen shyqsa da, kez kel­gen belgi bo­ıynsha kemsitýge, osy negiz­de qoǵamdyq tártipti, jalpy ishki turaq­tylyqty buzýǵa tyrysýǵa zańǵa sáıkes qatań túrde toıtarys berý qajet» dep atap ótti. Tıisinshe, memlekettik organdarǵa «qyzyl syzyqtar­ǵa» qol suǵylmaýshylyqty qamtamasyz etý boıynsha naqty tapsyrmalar berildi –  ishki ister organdary men prokýratýra úshin etnostyq jáne dinı negizdegi janjaldar­ǵa múldem tózbeýshilik bolýy tıis, al bar­lyq deńgeıdegi ákimdikterge azamattar­dyń quqyqtarynyń etnostyq nemese til­dik negizde buzylýynyń árbir jaǵdaıy bo­ıynsha aldyn alý jáne aqparattyq ju­mys júrgizý tapsyryldy. Jalpy alǵan­da, Memleket basshysy osy másele boıyn­sha «biz Qazaqstandaǵy etnosaralyq tatý­lyq pen kelisimdi turaqsyzdandyrýǵa baǵyttalǵan el ishindegi, sondaı-aq shetelden kelgen kez kelgen is-áreketke ta­ban­dy túrde qarsy turatyn bolamyz» degen ustanymyn qorytyndylady. Pre­zıdent aıqyndaǵan «qyzyl syzyqtar» mánmátininde Assambleıa ultaralyq jáne ózge de alaýyzdyqtyń aldyn alý jónindegi jumysty kúsheıtetin bolady.

Sonymen qatar QHA etnomedıasııa baǵytyn damytatyn bolady, onyń ishinde etnostyq sıpaty bar janjaldardy sheshe alatyn kásibı kelissóz júrgizýshiler daıyndaýmen aınalysý qajet. Prezıdenttiń osy baǵyttaǵy tapsyrmalary da aýqymdy. Búgingi tańda barlyq óńirdegi Dostyq úı­leriniń janynda 17 arnaıy medıasııa kabınetteri jumys isteıdi, olar ha­lyq­pen jumys isteý úshin 341 dıalog alańyn uıymdastyrdy. QHA tiziliminde 2 097 medıator bar. Olardyń jumysynyń tıim­diligi naqty faktilermen jáne sandarmen rastalady. 2021 jyldyń 9 aıynda ǵana QHA medıatorlaryna 4 699 ótinish kelip tústi, onyń 1 919-y – medıatıvtik kelisim arqyly jáne 2 780-i keńes berý arqyly sheshildi. Olardyń árqaısysy – bolýy yqtımal bolǵan, biraq aldyn-ala sheshilgen janjal. Qazirgi ýaqytta Assambleıa qoǵamdyq medıasııa aıasynda kásibı kelissóz júrgizýshiler ázirleý baǵdarlamasyn daıyndaýda. Jaqyn arada biz onyń jańartylýyn kútemiz, sheteldik tájirıbeni eskere otyryp ázirlenetin jańa oqytý kýrsy josparlanyp otyr.

Instıtýsıonaldyq damý turǵysynda

Tórtinshi basymdyq – QHA-ny odan ári ınstıtýsıonaldyq turǵyda damytý. Biz osyndaı keńeıtilgen kommýnıkasııa ala­ńy týraly aıtyp otyrmyz jáne Qazaqstan halqy Assambleıasy óz alańdaryn usyna­dy jáne qamtamasyz etedi. Qazaqstan halqy Assambleıasynyń Tóraǵasy atap ótken qýatty kommýnıkasııalyq alańdardyń biri – Assambleıa aıasynda qurylǵan res­pýblıkalyq Analar keńesi. Bıyl 21-22 maýsymda barlyq óńirdegi QHA Analar keńesiniń respýblıkalyq otyrysy ótke­nin aıta ketý kerek. Qazir oblystyq, aýdan­dyq jáne aýyldyq deńgeılerde 1 832 keńes jumys isteıdi, olardyń quramyna 13 myń­nan astam adam kiredi.

QHA Tóraǵasy Qasym-Jomart To­qaev­tyń tapsyrmalaryn iske asyrý aıasynda Analar keńesiniń qyzmeti teń­destirilgen etnosaralyq qatynastardy qalyptastyrýǵa baǵyttalatyn bolady. Memleket basshysy QHA Keńesiniń otyrysynda jergilikti atqarýshy organdar­ǵa respýblıkalyq Analar keńesine jan-jaq­ty qoldaý kórsetýdi tapsyrdy.

Prezıdent sonymen qatar, qazaqstan­dyq jastardy qoldaý jáne damytý má­se­lelerine nazar aýdardy. Assambleıa bul baǵytqa da kóp kóńil bóledi. Qazir jas býyn ókilderi el Táýelsizdiginiń 30 jyldyǵyna arnalǵan Qazaqstan halqy Assambleıasynyń is-sharalaryna belsendi qatysýda. Jyl basynan beri 300 myńǵa jýyq adamdy qamtıtyn, túrli format­ta­ǵy 1 120 is-shara ótkizildi. Assambleıa jas­­ta­ryn qamtıtyn 30 volonterlik or­ta­lyq quryldy, onda Qazaqstan halqy Assambleıasynyń 2 myń volonteri resmı tirkeldi. Kóptegen volonter óz qyzmetin arnaıy qurylǵan elektrondyq mekenjaıda tirkeýsiz júrgizedi, beıresmı máli­met­ter men esepteýler boıynsha Qazaqstan halqy Assambleıasynyń 10 myńǵa jýyq volonteri bar. QHA «Jańǵyrý joly» jas­tar qozǵalysynyń bazasynda Jas Otan, «Jarasym», Qazaqstan jastar kongresi, «Bolashaq» qaýymdastyǵy, «Jas ulan» uıymy, Qazaqstan stýdentteri alıansy jáne Qazaqstan KTK odaǵy sııaqty jastar uıymdarynyń basyn qosqan Big 7 jobasy iske asyryldy. Eń bastysy, Qazaqstan halqy Assambleıasynyń «Jańǵyrý joly» jastar qozǵalysy mem­­­lekettik jastar saıa­saty júıesine berik engizilgen – onyń oblystardyń, qa­lalar men aýdandardyń ákimdikteri ja­nyndaǵy Jastar isi jónindegi 218 ke­ńes­pen, sondaı-aq óńirlerdegi 209 jastar resýrstyq ortalyǵymen ózara is-qımy­ly jolǵa qoıylǵan. Nur-Sultan, Almaty, Shymkent qalalarynda jáne ob­lys­tar­da «Jańǵyrý joly» óńirlik shtab­tary quryldy. «Jańǵyrý joly» RJQ qu­ra­mynda 6 myńnan astam adam bar. Atal­ǵan qozǵalys qazaqstan­dyqtardyń ja­ńa býy­­nymen jumys isteýde úlken ról atqarady.

Besinshi basymdyq – áleýmettik jáne qoǵamdyq mańyzy bar jobalardy qol­daý boıynsha Assambleıa quraldaryn da­mytý. Assambleıa Tóraǵasy osyndaı bas­tama­lar­ǵa Assambleıanyń «qoǵamdyq» nemese «halyqtyq» jobasy mártebesin, al olardyń avtorlaryna QHA jobasynyń resmı basshysy mártebesin berýdi usyndy. Bul ret­te Aqparat jáne qoǵamdyq damý mınıstr­ligi men jergilikti ákimdikter Assambleıa qurylymdarynyń jumysyn jalpyulttyq aýqymdy jáne halyqty barynsha qamtıtyn respýblıkalyq «ót­peli» jobalaryn iske asyrýda qoldaýy tıis. Budan basqa, Keńes otyrysynda belgilengen basymdyqtarǵa sáıkes QHA Dostyq úıleriniń qyzmetin qaı­ta qaraıtyn bolady, olar QHA-nyń áleýmettik mańyzdy bastamalary úshin jobalyq keńselerge aınalady. Assambleıa músheleriniń jobalary men bastamalary bar. Mysaly, QHA Analar keńesiniń jelisi boıynsha ǵana «Baqyt – otbasynan bastalady», «Zorlyq-zombylyqtan qalaı saqtanamyn», «Me­niń balam – meniń basty jaýapkershili­gim», «Eger balańyz ınter­netke táýeldi bol­sa, oǵan qandaı kómek kórse­te alasyz», «Áleýmettik jelidegi qaýipsiz­dik», «Ana-medıator», «Turmystyq jáne ot­ba­sylyq qatynastar salasyndaǵy medıasııa» taqyryptaryndaǵy respýblıkalyq jobalar iske asyrylýda.

Memleket basshysy «halyqtyq dıplomatııany» da, onyń ishinde qazaqstandyq etnostardyń tarıhı tegi shyqqan elderimen baılanysyn da nazardan tys qaldyrǵan joq. Qazaqstandyq koreıler, nemister, vengrler, ázerbaıjandar, orystar jáne ýkraındar Qazaqstanǵa ınvestısııalar men tehnologııalardyń transfertin qam­ta­masyz etýmen qatar, bizdiń elimiz týraly she­telderde aıtyp, sheteldik qonaqtardy halqymyzdyń mádenıetimen tanystyrady. Túrkııa, Reseı, GFR, Ar­gen­tına jáne Fransııada QHA-nyń Dostyq elshileri ınstıtýty jumys isteı­di. Prezıdent atap ótkendeı, bul ózara is-qımyl jan-jaqty halyqaralyq yntymaqtastyqty tereńdetý baǵytynda úlken áleýetke ıe.

Altynshy basymdyq – aqparattyq jumysqa kóbirek kóńil bólý. Atap aıt­qanda, qoǵamdaǵy birlik pen kelisim ahýalyn nyǵaıtý úshin áleýmettik jelilerdi, messendjerler men beınehostıngterdi barynsha tıimdi paıdalaný josparlanyp otyr. Ákimder – Qazaqstan halqy óńirlik assambleıalarynyń tóraǵalarynan bas­tap Assambleıanyń barlyq múshesi aqparat­tyq keńistikte belsendi bolýǵa tıis jáne elimizdegi birlik pen kelisimge qarsy birde-bir pikir jaýapsyz qalmaýǵa tıis.

Memleket basshysy Qazaqstan halqy Assambleıasyn azamattarmen qarym-qa­tynas jasaýdyń tıimdi quraly – «halyq únine qulaq asatyn memlekettiń», eń aldymen, jergilikti ózin ózi basqarý organdary deńgeıindegi mańyzdy quramdas elementi retinde qarastyratyny qýantady, olarmen yntymaqtastyq qajet. Mundaı qural Assambleıada bar – bul qoǵamdyq kelisim keńesteri, elimizdiń óńirlerinde, onyń ishinde aýyldyq okrýgter men aýyldar deńgeıinde, jekelegen kásiporyndarda 2 619 keńes jumys isteıdi. Olardyń qu­ramynda jergilikti qoǵamdastyqtardyń bedeldi kóshbasshylary – 18 827 adam bel­sendi jumys isteıdi. Osy jyldyń 9 aıyn­da ǵana 5 myńǵa jýyq is-shara ótkizilip, olar­­ǵa 120 myńǵa jýyq adam qamtyldy.

Qoǵamdyq kelisim keńesteri jumys istegen jyldary qoǵamdyq baqylaý, ujymdyq medıatorlar fýnksııala­ryn atqardy, janjaldan keıingi retteýge qatysty, tómengi deńgeıdegi ákimderge bıýd­jetterdi josparlaýǵa jáne oryndaýǵa kó­mektesti. Bul olardyń Memleket bas­shy­synyń tapsyrmalaryn oryndaýǵa múm­kindikteri bar ekenin bildiredi.

Keńes jumysy Elbasy N.Á.Nazar­baevtyń XXI ǵasyrda Assambleıa mıssııasy keńeıe túsetinin, Prezıdent Q.K.Toqaevtyń naqty tapsyrmalary men qadamdarynda dáıekti túrde iske asyrylatynyn kórsetti.

Jetinshi basymdyq – mádenıetter dıalogy men jalpyulttyq azamattyq pat­rıotızm. Bul taqyryp qoǵamda túrli etnostardyń tilderi men mádenıetterin óz­ara qurmetteýge negizdelgen qundylyqtar men ıdeıalardy qalyptastyrý, sondaı-aq Qazaqstan halqynyń aıryqsha myzǵymas qundylyǵy retinde jalpyulttyq birlikti qabyldaý arqyly iske asyrylatyn bolady. Shyn máninde, Memleket basshysy ulttyń jalpyulttyq toptastyrýshy tarıhı sanasyn qalyptastyrý men damytý máselesine jańasha kózqaraspen qarap, qazaq dalasy túrli elderden kelgen kóptegen ádebıet pen óner tarlanyna shabyt syılaǵanyn eske saldy. Uly jazýshylardyń, mýzykanttar men ǵalymdardyń tutas shoǵyry óz ómiri men shyǵarmashylyǵynyń mańyz­dy bóligin Qazaqstanmen baılanystyrdy. Sonymen qatar, QHA Tóraǵasy atap ótkendeı, Qazaqstanda ár kezeńde ómir súrip, jumys istegen mádenıet, ǵylym já­ne óner qaıratkerleriniń ómirbaıandary men shyǵarmalary búginde mektepterdiń, kolledjder men joǵary oqý oryndarynyń oqý baǵdarlamalarynda, sondaı-aq onomas­tıkada kórinis tabýy tıis.

Mádenıet ınternet jelisiniń quqyqqa qaıshy jáne psıhologııalyq qaýipti kon­tentiniń teris áserine qarsy turýǵa tıis jáne Memleket basshysy Keńeste sóz sóı­leýshilerdiń mundaı ustanymyn tolyq qol­dady. Qazaqstan Prezıdenti balalar bu­qaralyq sportyn damytýǵa qatysty óziniń tapsyrmasyn eske saldy jáne balalar halyq teatrlaryn ashý ıdeıasyn qoldady.

Segizinshi basymdyq – etnosaralyq saladaǵy ǵylymı negizdelgen tásil. Pre­zıdent atap ótkendeı, mundaı tásil mem­lekettik saıasattyń basynda turýy kerek. «Bul óte názik baǵyt dıletanttyq pen popýlızmge jol bermeıdi. El ishin­degi jáne odan tys jerlerdegi kez kelgen arandatýshylyqqa biz ǵylymı fakti­ler men sıfrlar tilimen barynsha salı­qa­ly jaýap beremiz», dedi Qasym-Jo­mart Toqaev Assambleıa Keńesiniń oty­ry­synda. Prezıdent Aqparat jáne qo­ǵamdyq damý mınıstrligine jyl saıyn ıntegrasııanyń, jalpyulttyq birliktiń, etnosaralyq qatynastardy úılestirýdiń ózekti taqyryptary boıynsha zertteýlerdi qarjylandyrýdy kózdeýdi tapsyrdy. Prezıdenttiń tapsyrmasy boıynsha qu­rylǵan Qoldanbaly etnosaıası zertteý­ler ınstıtýty etnosaralyq qatynas­tar máseleleri boıynsha Qazaqstandaǵy alǵashqy memlekettik konsaltıngtik or­­ta­lyqqa aınaldy. Onyń aktıvinde aǵym­daǵy jyldyń ózinde etnosaralyq taqy­ryp boıynsha 3 iri zertteý júrgizildi. Osy zertteýlerdiń nátıjeleri boıynsha Qazaqstannyń etnostyq topta­ry­nyń áleýmettik-mádenı jáne etnopsı­hologııalyq portreti ázirlendi, olardyń minez-qulqynyń erekshelikteri zerttel­di, Eldegi oralmandardy beıimdeý jónin­degi memlekettik saıasatty iske asyrý sheń­­­berindegi mindetterdi sheshý boıynsha naqty sharalar ázirlendi, sondaı-aq el boıynsha etnosaralyq ahýaldyń serpini aıqyndaldy jáne negizgi ózekti máseleler anyqtaldy. Instıtýt sarapshylary etnosaralyq máselelerge tereń dalalyq zertteýler júrgizý úshin el óńir­lerine monıtorıngtik saparlar jasaıdy. Monıtorıngtik saparlar qorytyndysy bo­ıynsha óńirlerdegi etnos­aralyq saladaǵy áleýmettik shıeleniske soqtyratyn anyq­talǵan alǵysharttar, sondaı-aq etnos­aralyq jaǵdaıdyń damýyna teris áser etetin naqty problemalar negizinde tıis­ti praktıkalyq usynymdar ázirlendi, óńirlerdegi ahýal týraly taldamalyq esep­­­ter daıyndaldy. Taldamalyq tujy­rym­­dar men usynymdar Prezıdent Ákim­shiliginiń,  Premer-Mınıstr Keńse­siniń basshylyǵyna, sondaı-aq Nur-Sultan, Almaty, Shymkent qalalarynyń jáne oblystardyń ákimdikterine jiberildi. So­nymen qatar osy zertteýlerdiń nátı­je­leri men olardyń  qorytyndylary boıynsha ázirlengen usynystardyń eleýsiz qalmaýy, memlekettik saıasatty júzege asyrý prosesinde praktıkalyq iske asyrylýy asa mańyzdy. Sondyqtan Memleket basshysy óńirlerdiń ákimderine Aqparat jáne qoǵamdyq damý mınıstrliginiń etnosaralyq qatynastardyń damýyn taldaý jáne boljaý salasyndaǵy usynymdaryn, daǵdarys­tyq jaǵdaılarǵa den qoıý algorıtmderi men quraldaryn sapaly iske asyrýdy qamtamasyz etýdi tapsyrdy.

QHA Tóraǵasy atap ótkendeı, etnostyq sanalýandyq Qazaqstanda táýekel faktorynan – sózsiz artyqshylyqqa, al máde­nıetterdiń ózara kirigýi bizdiń áleýetimizdi birneshe ese arttyryp, ulttyq kodtyń bir bóligine aınaldy. Endigi mindet – mem­le­ketimizdiń ǵana emes, qoǵamnyń jáne árbir azamattyń mindeti – bizdiń baı mádenı mu­ramyz ben jalpyulttyq birligimizdi saqtaý úshin qoldan kelgenniń bárin jasaý.

Keńes otyrysy Assambleıanyń ǵana emes, búkil Qazaqstan halqynyń ómirinde­gi mańyzdy saıası alańǵa jáne kezeńdik oqı­ǵa­ǵa aınaldy. Ol mańyzdy turaqtandyrý­shy ról atqardy, etnosara­lyq qatynastardaǵy prosesterdi túsinýge ­jáne qazirgi ýaqytta júrgizilip jatqan ınteg­rasııa saıasatyna jańa serpin berdi. Árıne, ol barlyq deńgeıdegi memlekettik organnyń, aza­mattyq qoǵam ınstıtýttarynyń birlikti, tatýlyq pen kelisimdi nyǵaıtý jónindegi, turaqtylyqqa, bolashaqqa degen senim­dilikke jáne elimizdiń azamattarynyń ál-aýqaty úshin jaǵdaı jasaýǵa baǵyttalǵan orasan zor mazmundy jumysynyń bas­taýy boldy.

 

Marat ÁZILHANOV,

QHA Tóraǵasynyń orynbasary,

Qazaqstan Prezıdenti Ákimshiligi

QHA Hatshylyǵynyń meńgerýshisi

Sońǵy jańalyqtar

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Qara qazanda qasıet bar

О́ner • Keshe

Uqsas jańalyqtar