Elorda • 25 Qazan, 2021

Táýelsizdik tulǵalary

185 ret kórsetildi

Nur-Sultan qalasyndaǵy «Qazaqstan» Ortalyq konsert zalynda talantty sýretshi Tańsyq Májıtovanyń halqymyzdyń ardaqty perzentterin aıshyqty beınelegen «Táýelsizdik tulǵalary» atty kórkem portretter kórmesi ashyldy. Bul is-shara Táýelsizdigimizdiń otyz jyldyǵy aıasynda uıymdastyryldy.

Oǵan qylqalam sheberiniń 60-tan astam avtorlyq týyndysy qoıyldy. Mazmundy sharanyń ashylýynda Má­denıet jáne sport vıse-mınıstri Nurǵısa Dáýeshov kórmeniń mańyzyna toq­talyp, sýretshiniń shyǵar­mashylyǵyna izgi lebizin bildirdi.

Kórmedegi ult rýha­nııa­tynyń bir-bir ýyǵyna aınalǵan Ábish Kekilbaev, Farıza Ońǵarsynova, Ge­rold Belger, Aqseleý Seı­­­­dimbek, Eskendir Ha­san­­­ǵalıev, Satybaldy Na­rym­betov jáne t.b. ardaqty azamattardyń obrazyn sý­ret­shi syrtqy beınesi ar­qy­ly ǵana emes, olardyń bol­mysyna jan-jaqty úńi­lip, kórkem dúnıege aınaldyrǵan.

Sondaı-aq kórme ıesiniń álemge áıgili skrıpkashy Aıman Musaqojaeva, daryndy kardıohırýrg Iýrıı Pıa, Botaı mádenıetin zert­teýshi ǵalym Vıktor Zaı­bert, Olımpıada chempıo­ny Serik Sápıev beıne­leri de kelýshilerdiń qyzy­ǵýshylyǵyn týǵyzdy. Tań­syq Májıtova osy por­tretterdi salýda keıip­ker­lerin jaqyn taný úshin, olarmen júzdesip, ishki-jan dúnıesine tereń boılaǵan.

Mádenı shara kezinde sóz alǵan jazýshy, Memlekettik syılyqtyń laýreaty Áli­bek Asqarov sýretshi keıip­kerleri el múddesin bárinen bıik qoıǵan, shyn máninde ultjandylyqtyń ozyq úl­gisin kórsetken deı kelip: «Tá­ýelsiz Qazaqstannyń tu­ǵyr­ly tulǵalary – jur­tynyń jadynda, eliniń esinde máńgi saqtalady. Bul kórme budan bylaı da tu­raqty túrde ótip, ekspozısııa búgingi tanymal tulǵalardyń portretterimen tolyqtyrylady» dedi.

Is-sharany Mádenıet jáne sport mı­nıs­trligi­niń qol­daýymen «Geral­dı­ka­lyq zertteýler orta­lyǵy» uıym­das­tyr­dy.

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar