Bul týraly TASS aqparattyq agenttigi málim etti.
Aýǵanstandaǵy bılikti basyp alǵan Talıban Reseı Prezıdenti Vladımır Pýtınniń «Talıban» radıkaldy qozǵalysyn (Reseı Federasııasynda tyıym salynǵan) terrorıstik uıymdar tiziminen shyǵarý múmkindigi týraly pikirin quptaıdy.
«Aýǵanstan Islam ámirliginiń Syrtqy ister mınıstrligi Reseı Prezıdenti Vladımır Pýtınniń IEA basshylarynyń esimderin qara tizimnen alyp tastaý týraly aıtqan sózderin qoldaıdy. Soǵys aıaqtalǵandyqtan, álem elderi Aýǵanstanǵa oń kózqaras tanytýy kerek. Biz ózara túsinistik qaǵıdaty negizinde halyqaralyq qaýymdastyqpen jaqsy qarym-qatynasqa umtylamyz», dep jazdy Talıban qozǵalysynyń (Qazaqstanda tyıym salynǵan) ókili Twitter-degi paraqshasynda.
21 qazanda Valdaı halyqaralyq klýbynyń otyrysynda sóz sóılegen Vladımır Pýtın «Reseı «Talıbandy» terrorıstik uıymdar tiziminen shyǵarýy múmkin» degendi aıtty. Alaıda bul qadamdy aldymen BUU Qaýipsizdik Keńesi jasaý kerektigi eskerildi.
