Elbasynyń qamdaǵany – elge qamqorlyq

Respýblıka jurtshylyǵy Prezıdent N.Á.Nazarbaevtyń Úkimettiń

keńeıtilgen otyrysyndaǵy sózin qýana qoldap otyr

 14 aqpanda Elbasy Nursultan Nazarbaevtyń Úkimettiń keńeıtilgen otyrysyn ótkizgeni belgili. Bul alqaly basqosýda Memleket basshysy alǵa qoıǵan mindetter qazaqstandyqtar tarapynan úlken qoldaýǵa ıe boldy.

Bul – bárimizge ortaq tirlik

Men 45 jyldan beri qus sha­rýa­­shylyǵy salasynda eń­bek etip kelemin, búginde uldarym men nemerelerim osy atalǵan sha­rýa­shylyqta urpaqtar sabaq­tastyǵyn jalǵastyrýda. Bir qýanarlyǵy, bul tek me­niń otba­symdaǵy ǵana kásip jal­ǵastyǵy emes, bizdiń «Shym­kent qus» JShS-inde 550 adam qyzmet etse, sonyń ishinde búginde 50 otbasynda ata-áke jo­lyn qýǵan úshinshi býyny eńbek etip keledi. Elbasy N.Nazarbaevtyń tur­­ǵyn­dardyń tabystaryn qol­daý jónindegi halyqtyq tap­syrmalary óte oryndy ári der kezinde qolǵa alynyp otyr. Bul Elbasynyń halyqtyń jaǵ­daıyn bir sát te esinen shy­ǵar­maıtynyn bildirse kerek. Eldiń jaǵdaıyn jasaý – bári­mizge ortaq tirlik. Biz alda­ǵy ýaqytta kásibimizdi jandan­dyrý úshin ınvestorlar tartyp, óndiristi jańa tehnologııamen jabdyqtaýdy josparlap otyrmyz. Bul, árıne, ónim kólemin ulǵaıtyp, jumysshylardyń jalaqysyn ósiretini sózsiz. Pre­­zı­dent tapsyrmasyn qol­daý maqsatynda osy bastan ja­ńa múm­kindikterdi qarastyryp ja­tyrmyz. Jalpy, oblysymyz elimiz boı­yn­sha kósh bastap keledi. Son­dyqtan El­basynyń tapsyrmasy bizge úlken jaýapkershilik júkteıdi. Ábilqasym DOSBOLOV, «Shymkent qus» JShS baqylaý keńesiniń tóraǵasy. Ońtústik Qazaqstan oblysy.

Júrekke jylý qosady

Men burynǵy Lenın aýdanyndaǵy Gorkıı atyndaǵy sharýashylyqta otyz jyldan astam mehanızator bolyp jumys istedim. Qalaǵa kóship kelgenimizge de biraz boldy. Ondaǵy oı syrqat áıelimdi emdetý edi. Qýanyshymyzǵa oraı, oblystyq onkologııalyq aýrýhanada jasalǵan ota sátti bolyp, úı-ishimizdiń shyraıy kirip qaldy. Ul men qyzymyzdy aıaqtandyryp, mamandyq alýyna múmkindik jasadyq. Biraq, ózimniń de júregim syr berip, kvota arqyly Kók­she­taýdaǵy kardıologııalyq or­talyqta ota jasatýyma tý­ra keldi. Komıssııa bıylǵy jyl­dyń basynda úshinshi toptaǵy múgedektikke shyǵardy. Ataýly áleýmettik kómek taǵaıyndaldy. Qańtar aıynda úlgirmegendikten, eki aıdyń tólemin qosyp almaqpyn. Osy qańtar aıy qamkóńi­limizdi jadyratqandaı jyly­lyqqa toly boldy. Elbasy N.Nazarbaevtyń jaqsy jańa­lyq­tarǵa toly Joldaýy jarııa­landy. Úkimet onda kórse­tilgen tapsyrmalardy oryn­daýǵa jedel kirisip ketti. 1 qańtardan áleýmettik tólem­der 7 paıyzǵa kóbeıtildi. Al 14 aqpandaǵy keńeıtilgen máji­liste Elbasymyz ony taǵy da 5 paıyzǵa ústemelep, 12 paı­yzǵa jetkizýdi tapsyrdy. Bul bizdiń kóńilimizdi kóterip, erteń­gi kúnimizge senim uıalatty. Onyń ústine, arnaıy esepte tura­tyndyqtan, dári-dármekti jeńil­detilgen baǵamen alamyz. Memleket basshysy qo­ǵam músheleriniń tabystaryn qol­daýdyń halyqtyq 6 tap­syr­masyn belgileýi «Máńgi­lik Eldiń» murattary jar­qyn ekendigin dáleldeıdi. Ási­rese, áleýmettik sala qyzmet­kerleriniń eńbekaqysy 40 paıyzǵa kóteriletini – saýapty qadam. Múmkindigi shekteýli adam­dar muny jaqsy túsinedi. Baqyt DÚISENOV, III toptaǵy múgedek. KО́KShETAÝ.

Túsim túrlerin arttyrý kerek

Úkimettiń keńeıtilgen otyrysynda Elbasy qoǵamdaǵy qadaý-qadaý máseleler týrasynda sóz qozǵady. Sonyń biri retinde, jergilikti ózin ózi basqarý organdarynda túsim kózi tolyq sheshilmeı turǵanyn aıtty. «Úkimet pen Ulttyq bank memleket pen jekemenshik áriptestigin iske asyrý jobasy boıynsha damý ınstıtýttarynan, zeınetaqy qorlarynan, qarjylyq uıymdardan qarajat tartý jónindegi usynys boıynsha naqty nátıje shyǵara alǵan joq. Aýyl sharýashylyǵy jónindegi máseleler de sheshimin tapqan joq. Bul tizimdi odan ári de jalǵastyra berýge bolady. Al bulardyń bári de Joldaýdyń sapaly túrde oryndalýyna qajetti mańyzdy máseleler», dedi Nursultan Ábishuly. Memleket basshysy atap aıtqan másele boıynsha Qyzyl­orda oblysynda birshama alǵa ilgerileýshilik baıqalady. Byltyr aımaq salyq túsimderin arttyrý men ınvestısııa tartý sharýa­synda respýblıkada joǵary kórsetkishke ıe bolǵany sózimizdiń aıǵaǵy bolsa kerek. Árıne, ınves­tısııa tartýdyń ońaı emes ekeni belgili. Degenmen, Qyzylorda oblysynda bul turǵyda aýqymdy jáne júıeli jumys jasaldy. О́tken jyldyń ishinde eki ret «Baıqońyr» ınvestısııalyq forýmy uıymdastyrylyp, oǵan ózge elderden bıznes ókilderi men elimizde tirkelgen elshilik ókilderi shaqyrylyp, aımaqtyń barlyq múmkindikteri tolyq tanystyryldy. Osynyń arqasynda Syr boıyna ınvestorlar kele bastady. Salyq túrleri túsiminiń artýyna shaǵyn jáne orta kásipkerlik damýyna jasalǵan jaıly jaǵ­daıdyń áser etkeni de anyq. Búginde Qyzylorda oblysynda kásip­kerliktiń keń qanat jaıýy úshin tıisti kómek jasalyp jatyr. Álbette, tutastaı alǵanda, elimizde Elbasy aıtqan máse­leniń tolyqtaı oryndalmaı turǵany aqıqat. Sondyqtan jer­gi­likti basqarýshy organdar res­pýblıkalyq bıýdjetten túsetin qarjyǵa baılanbaı, aımaqtyń erekshelikterin eskere otyryp, túrli salany damytyp, ınvestısııa tartýy shart. Bul búgingi bıliktiń ártúrli tarmaqtarynda jumys istep júrgen azamattarǵa qoıylatyn basty talaptyń biri bolýy kerek. 2012 jyly Halyqtyq IPO baǵ­darlamasy kóterildi. Degenmen, osy bir ıgi bastama óz dárejesinde atqarylmaǵany jasyryn emes. Munyń da ózindik sebepteri bar shyǵar. Alaıda, atalǵan baǵ­dar­lama jurtshylyqty yrysqa keneltetin jobanyń biri der edik. Sondyqtan bul turǵyda da keshendi jumystar atqarylýy tıis. Eń aldymen, halyqqa túsindirme jumystaryn júrgizgen abzal. О́ıtkeni, baǵdarlamanyń tolyqtaı atqarylýy halyqtyń ynta-yqylasyna tikeleı baılanysty. Bastysy, eldiń ıgiligi úshin qabyldanǵan qujat orta jolda qalyp qoımaýy kerek. Qambar ÁJIBEKOV, qarjyger.  QYZYLORDA.

Aıtylýynda kemdik joq, másele oryndalýynda

Memleket basshysy N.Nazarbaevtyń «Kóleńkeli ekonomıkany» aýyzdyqtaý týraly aıtýy, tıisti oryndarǵa tapsyrma berýi – óte quptarlyq is. О́ıtkeni, eginniń nemese baý-baqshanyń durys ósýi úshin onymen jarysa ósken aramshópterdi julyp, mańaıdy tazartyp otyrady ǵoı. Sol sekildi belgili bir kásip túrimen aınalysqan kásipker eldiń damýyna óz úlesin ónim óndirýmen ǵana qosyp qoımaı, zańdyq negizde salyq tólep, memleketimizdiń barlyq zań-talaptaryn qatań saqtaýy shart. Munyń bárinen jaltaryp, tek óz esebin túgendeýmen aınalysatyn «kásipker men kásipkerliktiń» ǵumyry uzaqqa barmaıtyny belgili. Meniń kásipkerlik tarıhym 1988 jyly kooperatıvte jumys jasaǵan kezimnen bas­taldy deýime bolady. Al órtke qarsy qyzmet kórsetý jáne qurylys jumystarymen aınalysatyn JShS-ni 2000 jyly ashtym. Sodan beri táýelsiz elimizdiń zańy aıasynda, barlyq talap-tártipter sheńberinde jumys júrgizip kelemiz. Bári durys bolǵan soń, kóńil de tynysh, jumys alańsyz. Elbasy «kóleńkeli ekonomıka» kólemi ishki jalpy ónimniń besten birin qamtıtyn shamaǵa jetkendigin aıtýmen qatar, onyń saldarynyń qanshalyqty bolatyndyǵyn qulaǵdar etti. Endigi kezekte el Úkimeti Elbasy tapsyrmasyn keshiktirmeı oryndap, belgilengen merzimge atalmysh keleńsizdikti aýyzdyqtaýdyń joldaryn usynsa deımiz. Bulaı deýimniń sebebi de joq emes, óıtkeni, Elbasy 2013 jyldyń kúz aıynda berilgen 33 tapsyrmanyń 11-i oryndalǵanyn aıtty, al «kóleńkeli ekonomıka» turǵysynda áli eshteńe jasalyp úlgermegen... Demek, tapsyrma qaıtalap berildi, «uzyn arqaý, keń tusaýǵa» salýdyń qajettiligi joq dep bilemin. Memleketimizdiń odan ári nyǵaıa túsýi úshin qajetti baǵyttar aıtylyp, tapsyrmalar júktelgen májiliste ınvestısııa tartýdyń jaıbasarlyǵy týraly da oryndy aıtyldy. Naryqtyq ekonomıkanyń tabaldyryǵyn táýelsizdikti alysymen attaǵan jas memleketimizge ınvestorlardy tartý, ınvestısııa quıdyrý – barynsha qajetti is. Munaıly Mańǵystaý aımaǵynda ınvestorlar kóbine munaı-gaz salalaryna qyzyǵýshylyq tanytady. Al ınvestorlardy aýyl sharýashylyǵyna tartý úshin ne isteý kerek? Tıisti oryndar osyndaı tustardy baǵamdap, naqtylaýy tıis. О́ńirimizde qurylǵan «Aqtaý arnaıy ekonomıkalyq aımaǵynda» kásipkerler úshin túrli jeńildikter qarastyrylǵan. Aımaqtyń jumysyn odan ári jetildirip, ınvestorlardy ár salaǵa tartýdyń tetikteri qarastyrylsa deımin. Memleket basshysy tarapynan aıtylyp, tıisti tapsyrmalar berilip jatyr, endi oryndalýdaǵy olqylyqtar jóndelse eken. Gadjımagommed SELIMOV, «Samýr» lezgın etnomádenı birlestiginiń tóraǵasy, «Pojstroıservıs» JShS dırektory. Mańǵystaý oblysy.

Ustazdardyń da ulttyq maqtanyshy

Elbasy dástúrli Jol­daý­ynda elimizdiń uzaq mer­zim­ge baǵdarlanǵan zor áleýet­teri­mizdi belgilep, onyń ishinde bire­geı sapaly bilim berý júıe­sin jaqsartýdyń aıqyn maqsat­taryn qoıǵany málim. Osy oraıda, ustazdar qaýymy aldyn­da zamanaýı baǵdarlamalar men oqytý ádistemelerin jetil­di­rý, jalpy bilim beretin mektep­­terdi Nazarbaev Zııat­ker­lik mektepterindegi oqytý deńgeıine jetkizý, oqýshylardy syndarly oılaý, ózindik izdenis pen aqparatty tereń taldaý mashyǵyna baý­lý sekildi aýqymdy talaptar turǵanyn basa aıtqym keledi. Al úlgerimi jaqsy stýdentter men oqýshylardyń shákirtaqysyn, bilim berý salasy qyzmetkerleriniń eńbek­aqysyn ósirý jónindegi qadam­dar áleýmettik qorǵaýdy odan ári qamtamasyz eteri anyq. End­i, mine, ústimizdegi jylǵy Jol­daýdyń tapsyrmalary men «Qazaq­stan-2050» Strategııasyn oryn­daý máselelerine qatysty ótken Úkimettiń keńeıtilgen otyry­synda halyqtyń turmysy men ómir sapasyn jaqsartýǵa baǵyt­talǵan keshendi áleýmettik paket­terdiń qabyldanǵanyn estip, qýanyp otyrǵan jaıymyz bar. Iá, Prezıdentimiz qazaq­stan­dyqtardyń ómirin jarqyn ete túsetin naqty praktıkalyq ister baǵdarlamasyn árkez usy­nyp keledi. Sonyń naqty úlgi­sine bıylǵy 1 sáýirden bastap memlekettik mekemeler men memlekettik qazynashylyq kásiporyndarda qyzmet etetin azamattardyń eńbekaqylaryna aı saıyn 10 paıyzdan ústeme tóleý qarastyrylatynyn aıtar edik. Bul sanatqa bilim berý, ǵylym, densaýlyq saq­taý, mádenıet, sport jáne áleý­met­tik qoldaý salasynyń ókil­deri jatatynyn eskersek, kúr­deli jahandyq básekelestik jaǵdaıdyń ózinde Memleket basshysy belgilep bergen 7 basym baǵyttardyń oıdaǵydaı oryndalyp jatqanyn ańǵarýǵa bolady. Buǵan kelesi jyldyń 1 shildesinen bastap osy top­qa jatatyndarǵa eńbekaqy tóleý­diń jańa modelin jasaý jóninde Úkimetke tapsyr­ma berilgenin eske alsaq, atap aıt­qanda, bilim berý salasyn­da jalaqynyń 29 paıyzǵa kóte­ri­letini ekonomıkalyq turaq­ty­lyǵymyzdyń, qaryshty damýy­myzdyń arqasy dep bilemiz. Aldaǵy maqsatymyz aı­qyn: ol – eń órkenıetti 30 el­diń qataryna qosylý. El tarı­hyn­daǵy jańa dáýirdiń kemel kelbeti – ózgeler sekildi ustazdardyń da ulttyq maqtanyshy. Quryshtaı birligimiz ben tapjylmas turaq­tylyǵymyz synalatyn úlken emtıhannan súrinbeı ótý jolynda elimizdiń erteńine senimmen qaraıtyn urpaq tárbıelep kele jatqan bilim berý salasy qyzmetkerleri de aıanbaı eńbek ete beretin bolady. Záýresh JIENTAEVA, «Ál-Farabı» mektep-lıseıi dırektorynyń oqý-tárbıe jónindegi orynbasary. Petropavl.

Der ýaqytynda kórsetilgen qoldaý

Elbasy Nursultan Nazarbaev Úkimettiń keńeıtilgen otyrysynda shaǵyn jáne orta bıznestiń damýyna jaǵdaı jasaý, ol úshin júıeli sharalardy ázirleý kerektigin aıtty. Nursultan Ábishuly orta jáne shaǵyn kásipkerlikti damytý jóninde bıylǵy Joldaýynda da aıtqany belgili. Memleket basshysy osy máseleni óte durys kóterip otyr. Rasynda, kásipkerlerge is ashý úshin kapıtal kerek. Olar ekinshi deńgeıli bankterge júginedi, al bank bergen nesıesin bir jyldan keıin qaıtara bastaýdy talap etedi. Bir jylda eshqandaı kásiporyn aıaǵynan tik turyp, paıda taýyp ketpeıdi. Kásiporyndar kemeline kelýi úshin 5-6 jyl ýaqyt kerek. Uzaqmerzimdi nesıe bolmaǵan soń, kásiporyn damýdyń ornyna naryqtyń talabyna da, banktiń talabyna da ilese almaı, tyǵyryqqa tireledi. Mysaly, men tez daıyndalatyn kespe óndirý úshin ony segiz aı boıy zerttedim. Sosyn Rýdnyı qalasynda zaýyt ashýǵa bel baıladym. Innovasııalyq-ınvestısııalyq jobanyń quny 150 mıllıon teńge boldy. Bizdiń tek unnan jasalǵan ónimimiz Qytaıdyń arzanqol lapshasyn dúken sóresinen ysyrady dep oılaımyn. Men ónimniń tek sapasyna ǵana senip otyrmyn. Tutynýshy tańdaý jasaýǵa tıis. Meniń pikirimshe, qazir eldegi shaǵyn jáne orta bıznes kásiporyndarynda barlyq jumysshylardyń shamamen 30 paıyzy jumys isteıdi. Olardyń qarasyn munan da kóbeıtý úshin kásipkerlik damýy tıis. Qazir kásipkerlerge taýar óndirisin uıymdastyrý, sapaly ónim shyǵarý ońaı emes. О́ıtkeni, Qazaqstanda buryn ónerkásip kásiporyndary, ıaǵnı uqsatý, óńdeý júıesi qalyptaspady, ınfraqurylym nashar. Onyń ústine, búgin báseke óte joǵary. Eýropa men Reseıden, Qytaıdan keletin ımporttyq taýarlarǵa qarsy turýymyz kerek. Shaǵyn jáne orta bıznes kásiporyndary óndirgen taýarlardy syrtqa shyǵarǵanda olar qazynamyzǵa qarjy bolyp oralady. Bul ekonomıkanyń damýyna da serpilis berer edi. Ol úshin óndirgen ónimniń sapasy minsiz bolýy, halyqaralyq standartqa jaýap berýi tıis. Osy talaptardyń barlyǵyn kásipker tapqan tabysty nesıege tólep júrip oryndaýy múmkin be? El ekonomıkasynyń damýy shaǵyn jáne orta bızneske tikeleı baılanysty ekenin alystan boljaǵan Elbasynyń osy salany, onyń ishinde de ónim óndiretin kásiporyndardy qoldaý úshin Ulttyq qordan 1 trıllıon teńge qarjy bólýdi tapsyrǵany meni asa qýantty. Memleket tarapynan osyndaı qoldaýdy sezingen kásipkerler eshqaıda jaltaqtamaı, yntamen naryqty zertteıtin bolady, bul bastaǵan istiń nátıjesin kórýge qulshyndyrady. Izdeniske saı osyndaı qoldaý bolǵanda, kásiporyndardyń sapaly ónim óndirý mádenıeti de arta túserine eshkimniń kúmáni qalmaıdy. Azamat NURǴAZIN, «Aq barys» NK» JShS dırektory. Qostanaı oblysy, Rýdnyı qalasy.

Adymymyz arshyndy bolsyn desek...

Bizdiń elimizde áleýmettik qoldaýǵa basym baǵyt beriledi. Muny jyl saıyn zeınetaqy men áleýmettik tólemder mólsheriniń kóbeıýinen aıqyn ańǵaryp kelemiz. Ásirese, uzaq jyldar boıǵy beınetti eńbeginiń zeınetin kórip otyrǵan zeınetkerler de jasalyp otyrǵan áleýmettik qoldaýdan kende emes. Elbasy Nursultan Nazarbaevtyń arnaıy tapsyrmasymen zeınetaqymyzǵa jyl saıyn ústeme qosylady. Bıylǵy jyldyń basynda zeınetaqy mólsheri 9 paıyzǵa, al memlekettik  áleýmettik tólemder 7 paıyzǵa kóbeıtilip edi. Al ótken aptadaǵy teńgeniń dollarǵa shaqqandaǵy aıyrbas baǵamynyń ózgerýine baılanysty zeınetaqy men áleýmettik tólemderdiń taǵy da ósetindigi, ásirese, ardagerler kóńilin bir serpiltip tastady. Munymen birge, ár sala ókilderiniń de jalaqysy ósedi. «Aldymen... ekonomıka» saıasatyn ustanatyn elimiz álemdik qarjy daǵdarysy kezinde de turmysy tómen otbasylar men zeınetkerlerge áleýmettik qoldaý kórsetýin shektep kórgen emes. Biz elimizdiń osynaý berik ustanymyna, mine, taǵy da kýá bolyp otyrmyz. Demek, halyqtyń turmysy tómendeıdi deýge esh negiz joq. Elbasy Nursultan Nazarbaevtyń ótken jumadaǵy Úkimettiń keńeıtilgen otyrysynda bergen tapsyrmalarynan osyny uǵyndyq. Árıne, otandyq ekonomıkany órkendetý úshin san alýan qıyndyqtardyń aldan shyǵary anyq. О́ıtkeni, biz ózimen ózi tomaǵa-tuıyq otyrǵan el emespiz. Álemniń kóptegen elimen saýda-ekonomıkalyq, dıp­lomatııalyq, iskerlik baılanys ornattyq. Tipti, elimizden álemdik rynokqa birneshe otan­dyq ónim eksporttalady. Álemdegi damyǵan elderdiń ekonomıkalyq órkendeýin, álemdik naryqtaǵy baǵa aıyrmashylyǵyn mezgilinde saraptap, soǵan oraı áreket etý – búgingi naryqtyń talaby. Mine, osy tur­ǵydan aıtqanda, teńgeniń aıyrbas baǵamyn jasandy túrde ustap turý múmkin emes. Bul ózgeris munaı jáne munaı ónimderin, astyq pen et sekildi qazaqstandyq taýarlardy  syrtqy rynokqa eksporttaýshylar úshin óte tıimdi bolady eken. Qazaqstannyń eksporttalatyn taýarlarynan el bıýdjetine túsetin qarjy kólemi de molaıady. Sonymen birge, otandyq ekonomıkanyń ósimine oń yqpal etpek. Al ishki naryqtaǵy azyq-túlik baǵalarynyń buǵan deıingi turaqty qalpyn saqtaıtyndyǵyna bir aptanyń ishinde kózimiz jetti. Kúndelikti tutynatyn azyq-túlikter baǵasynyń qalypty deńgeıden aspaıtyndyǵyna kepildik barlyǵyn aıtar bolsaq, aldymen, elimizdegi astyq qorynyń moldyǵyna úmit artamyz. Burynǵydaı emes, aýyl sharýashylyǵy ónimderi de óz elimizde molynan óńdeledi. Táýelsiz elimiz álemniń damyǵan 30 eliniń qatarynan laıyqty ornyn alýǵa umtylyp otyr. Tórtkúl dúnıege básekege qabiletti qýatty memleket retinde tanylǵan táýelsiz Qazaqstanymyzdyń eksporttyq áleýetin jańa bıikterge kóteretin bul shara aldymen el ekonomıkasyn órkendetý turǵysynan qolǵa alynǵanyn sezinip otyrmyz. Endeshe, bul otandyq ekonomıkanyń órkendeýine, halyqtyń áleýmettik ahýalyn jaqsartýyna oń ózgeris ákeletindigine senimdimin. О́tep NURIEV, Inder aýdandyq ardagerler keńesiniń tóraǵasy. Atyraý oblysy.

Ilgerileýdiń ilkimdi baǵyttary

Elbasy Nursultan Nazarbaev Úkimettiń keńeıtilgen otyry­syn­da ústimizdegi jylǵy Jol­daý­dyń tapsyrmalary men «Qazaq­stan-2050» Strategııasyn oryn­daýdyń máselelerin qarastyrdy. Úkimettiń keńeıtilgen otyrysynda sóılegen sózinde Memleket basshysy búgingi kúni álemdik ahýaldyń ońaı emestigin, daǵdarystyń saldary áli aıaqtalmaǵanyn atap ótti. Prezıdent N.Nazarbaev «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýynda «Kúshti, qýatty memleketter ǵana uzaq merzimdik josparlaýmen, turaqty ekonomıkalyq ósýmen aınalysady... HHI ǵasyrda «jeńil serýen» bolmaıdy... Damyǵan elder ózderiniń strategııalaryn HHI ǵasyrǵa ólshep-piship jatyr», degen sózderiniń tereń ǵylymı astary bar. Sebebi, óndiristik qatynastardyń óndirgish kúshterdiń damý deńgeıine sáıkes bolýy obektıvti zańyna oraı, olardyń arasynda oryn alatyn dıalektıkalyq qarama-qaıshylyqtar ýaqyt talabyna saı kezeń-kezeńmen sheshilip otyrmasa, óndirgish kúshterdiń damýyna bóget jasaıtyn tusaýǵa aınalady, olardyń shıelenisýi áleýmettik-ekonomıkalyq prog­restiń daǵdarysyna ákelip soq­tyrýy múmkin. Sondyqtan, joǵaryda keltirilgendermen qatar, «Qazaqstan-2050» Strategııasy HHI ǵasyrdaǵy nómiri 1 ereje bolyp tabylady. Eger el óziniń júrý baǵdaryn jáne jetý aılaǵyn bilmese, eshqandaı jel ilespe bola almaıdy», deýiniń ǵylymı astarly maǵynasy bar. Elbasy álemdik ekonomıka men qalyptasqan úrdisti eskere otyryp, Úkimet pen Ulttyq bankke makroekonomıkalyq jáne áleýmettik turaqtylyqty saqtaý úshin jeti baǵyttaǵy aldyn alý sharalaryn iske asyrýy kerektigin eske saldy. Halyqtyń tabys tabýyn qoldaý, kásipkerlikti damytýǵa yntalandyrý, qarjy sektorynyń turaqtylyǵyn arttyrý, ekonomıkaǵa memlekettiń qatysýyn azaıtý, «kóleńkeli ekonomıkany» qysqartý, ınvestısııalyq ahýaldy jaqsartý, ekonomıkany ártaraptandyrý elimizdiń erteńgi jarqyn bolashaǵyn aıqyndaıtyn arnalar ekeni sózsiz. Bul mindetterdi júzege asyrý arqyly el ekonomıkasynyń damýyna berik negiz qalanady. Memlekettiń  ekonomıkaǵa qatysýyn azaıtý arqyly ónerkásiptiń órkendeýine qol jetkiziledi. Ekonomıkalyq yntymaqtastyq jáne damý uıymy standarttaryna sáıkes, jylma-jyl IJО́-niń ósýin 4 paıyzǵa, Ekonomıkanyń ǵylymı syıymdylyǵy joǵary modelin engize otyryp, qazaqstandyq eksportta shıkizattyq emes ónimderdiń úlesin 70 paıyzǵa kóbeıtý mindeti qoıyldy. Bul kórsetkishterdiń ózindik máni bar. Halyqaralyq sarapshylardyń pikirinshe de osyndaı ósim turaqty sapalyq ósý deńgeıin kórsetedi, al qosylǵan quny joǵary daıyn ónimderdiń úlesin arttyrý elimizdiń ishki naryǵyn, ulttyq valıýtamyzdyń turaqtylyǵyn qamtamasyz etedi, sonymen birge, halyqaralyq rynokta básekelestik basymdyqqa qol jetkizýge múmkindik beredi. Elbasy el damýynyń kók­jıekterin naqty kórsete otyryp, bolashaqqa batyl boljamdy qadamdar jasap otyr. Buǵan bizdiń elimizdiń múmkindigi mol. Tek Elbasy aıqyndaǵan baǵyttardy baıandy júzege asyrýǵa barshamyz jumylýymyz kerek. Eńbek etemin degenderge jumys ta tabylady, tabys kózi de bar.  Úbaıdolla MÁMBETOV, Qudaıbergen Jubanov atyndaǵy Aqtóbe óńirlik memlekettik ýnıversıteti quqyq jáne ekonomıka negizderi kafedrasynyń dosenti. Aqtóbe.