Aq jeleńdi abzal jandar úmitimizdi aqtady, alǵysymyz sheksiz

«Aýrý kárige de, jasqa da qaramaıdy» degen ras eken. О́tken jyldyń jeltoqsan aıynda 15 jastaǵy balamyz Ashattyń júregi aýyryp oblystyq kardıologııalyq ortalyqqa túsken edi. Oǵan balalar arasynda kóp kezdespeıtin, otasyz jazylmaıtyn óte kúrdeli dıagnoz qoıǵanda tipten qınalyp qaldyq. Ortalyqtaǵy dári­ger­lerdiń qandaı yjdaǵa­t­ty­lyq­pen bala­myz­dyń aý­rýyn anyqtap, jan-tánin sa­lyp emdep, respýblıkalyq kar­dıo­or­ta­lyqpen baılanys jasaı otyryp, tez arada elor­daǵa jetkizýdiń sharalaryn qa­ras­tyrdy. Osy oraıda, atalmysh kar­dıo­ortalyqtyń bas dárigeri Aq­tilek О́mir­­baevqa, qabyldaý ból­mesiniń meń­ge­rýshisi Elmıra Súıeýǵazıeva, em­deýshi dárigeri Gúl­maıra Asetova, basqa da osy ortalyqtyń barlyq dárigerleri men medbıkelerine alǵy­symyz shek­siz ekenin bildire ketsek deı­miz. Der kezinde sanavıasııa sha­qyrtyp, balamyzdy Asta­nadaǵy jetik ma­man­dardyń qolyna tap­syrýǵa oblystyq densaýlyq saqtaý basqarmasynyń bastyǵy Kabıbolla Irmenov erekshe úles qosty. Elimizdiń medısına sa­la­sy­nyń shyn máninde damy­ǵa­nyn, dáriger­lerimiz ben hırýrgtarymyzdyń she­tel­dik mamandardan birde-bir kem emes ekenine osy joly kózimiz ábden jetti. Bilgir maman, Eńbek Eri Iýrıı Pıa basqaryp otyrǵan Ulttyq ǵyly­mı kardıologııalyq or­ta­lyq maq­ta­nýǵa turarlyq eken. Bar­­lyq jaǵdaı jasalǵan. Ma­mandary óte bilgir jáne sondaı qaıyrymdy da qa­rapaıym. Ásirese, emdeýshi dári­geri Lıýd­mıla Mamejanova, arıtmo­lo­gııa bóliminiń meńgerýshisi Aıan Ab­drah­manov jáne Shalqar Smaǵulov bir­neshe shaǵyn, bir kúrdeli ota jasady. Balamyz saýyǵyp, qolymyzǵa keldi.  A.MUHAMEDRAHIMOVA.  Batys Qazaqstan oblysy, Terekti aýdany.