Sport • 26 Qazan, 2021

Tyń serpilis baıqalmaıdy

29 ret kórsetildi

Japonııanyń Kıtakıýsıý qalasynda sporttyq gımnastıkadan álem chempıonaty aıaqtaldy. Aıtýly dodaǵa 60-qa jýyq memleketten kelgen 300-den asa sportshy qatysty. Bir apta boıy sheberlik baıqasqan olar 14 júlde jıyntyǵyn sarapqa saldy. Nátıjesinde, jalpykomandalyq esepte Qytaı quramasy jeke-dara kósh bastady. Qytaı eliniń ókilderi 5 altyn, 1 kúmis jáne 2 qola medaldi oljalady. Osy júldelerdiń deni erlerdiń enshisinde.

Atap aıtsaq, jekelegen jattyǵýlar boıyn­sha Chjan Bohen (kópsaıys), Lan Sınıýı («sa­qına») jáne Hý Sıýveı («beldeme» men «mań­daısha») aldyna jan salmasa, arýlardyń saıy­synda Veı Sıaoıýan (brýsıa) altynnan alqa taqty. Japonııa quramasy 2 altyn, 5 kúmis jáne 1 qolany enshilep, jalpy esepte ekinshi orynǵa turaqtady. Úshinshi orynda – Italııa gımnasshylary. Apennın túbeginiń túlekteri 1 altyn, 2 kúmis jáne 1 qolany qorjynǵa saldy. Sondaı-aq jeńis tuǵyryna kóterilgender arasynda AQSh (1 altyn+1 kúmis+3 qola), Reseı (1+1+2), Bra­zılııa (1+1+0), Fılıppın (1+1+0), Germanııa (0+1+0), Izraıl (0+0+1), Ýkraına (0+0+1) jáne Fınlıandııa (0+0+1) quramalary bar.

Qazaqstannyń ulttyq quramasy sapynda birneshe gımnasshymyz óner kórsetti. Eń úzdik nátıjege Narıman Qurbanov qol jetkizdi. «At» snarıadynda amerıkalyq Stıven Nedorosık, qytaılyq Van Hao jáne japonııalyq Kad­jýma Kaıadan qalyp qoıǵan otandasymyz tór­tinshi orynǵa taban tiredi. Jattyǵýdyń eki túri boıynsha Mılad Karımı fınalǵa shyqty. «Mańdaıshany» ol besinshi orynmen qorytyndylasa, erkin jattyǵýda jetinshi satyǵa jaıǵasty. Bylaı qaraǵanda, bul jaman nátıje emes sekildi. Jarys jolynda jandaryn salǵan jigitterimiz álemniń eń úzdik gımnasshylarymen biraz tiresti. Desek te qorjynǵa júlde túspegennen keıin Japonııadaǵy kórsetkishke kóńilimiz toldy dep aıta almaımyz.

Al kezinde sporttyq gımnastıkadan Qazaq­standa jeńispen órilgen tamasha dástúr­diń bol­ǵanyn kózi qaraqty jankúıer umyta qoıǵan joq. Rasynda da sol kezderdi saǵy­nyshpen eske alamyz. Sonaý 1964 jyly Tokıo Olımpıadasynda Shymkenttiń týmasy Iýrıı Sapenko «at» jattyǵýy boıynsha ıýgoslavııalyq Mıroslav Serar men japo­nııa­lyq Sıýdzı Sýrýmıden ǵana qalyp qoıyp, qola medaldi ıelense, komandalyq saıysta kúmis júldeni enshiledi.

Jetpisinshi jyldary Nellı Kım jasyndaı jarqyldady. Ol kezderi álemdik arenalarda Keńes Odaǵynyń ókilderi Lıýdmıla Týrısheva men Olga Korbýt jáne rýmynııalyq Nadıa Komanechıdiń qarqynyna shydas berý múm­kin emes edi. GDR men Majarstanda da keremet gımnasshylardyń qalyń shoǵyry boldy. Osyndaı myqtylarǵa básekeles bola júrip, Nellıdiń de sheberlik deńgeıi sharyqtaý shegine jetti. Shymkentte Nıkolaı Baıdındeı bilikti bapkerden tálim-tárbıe alǵan ol Monreal men Máskeý Olımpıadalarynda 5 altyn men 1 kúmis medaldi oljalady. Álem chempıonatynda 5 altyn, 4 kúmis jáne 2 qola júldeni ıelendi. Odan bólek, Eýropa birinshiliginde 9 ret (2 altyn+3 kúmis+4 qola) jeńis tuǵyryna kóterildi.

Sekseninshi jyldardyń ekinshi jartysynda Valerıı Lıýkın atoı saldy. Qazaqtyń maıtalman mamany Edige Jarovtyń qol astynda jattyqqan aqtóbelik óren 1988 jyly Seýl Olımpıadasynda 2 altyn men 2 kúmisti qan­jy­ǵasyna baılady. Álem chempıonatynda 2 al­tyn men 1 qolany qorjynǵa saldy. Eýropa birin­shiliginde bes ret teńdessiz dep tanylyp, eki márte júldegerler sanatyna qosyldy. Lıýkınmen birge óner kórsetken almatylyq Vladımır Novıkov Olımpııa oıyndarynda bir jáne dúnıejúzilik dodada eki altyndy enshiledi. Bul ataqtarǵa ol komandalyq saıystarda qol jetkizdi. Sondaı-aq Natalıa Ilenko da sol kezdegi myqty gımnasshylardyń biri bolǵanyn aıta ketken abzal. Onyń eki dúrkin álem chempıo­ny jáne qurlyq birinshiliginiń kúmis júldegeri degen ataqtary bar.

Keńes Odaǵy ydyraǵannan keıin elimizde sporttyń bul túri qatty quldyrady. Táýelsizdik alǵan kezden beri Qazaqstannyń gımnasshylary Olımpııa oıyndarynan únemi qur qol qaıtyp júrgeni osy sózimizdiń aıqyn dáleli. Álem chempıonatynda jalǵyz ǵana júldege qolymyz jetti. 1997 jyly Shveısarııanyń Lozanna qalasynda jalaýy jelbiregen jarysta Sergeı Fedorchenko qoldy tirep jasalatyn jattyǵýda aldyna jan salmaı, altyn tuǵyrǵa kóterildi. Sodan beri shırek ǵasyrǵa jýyq ýaqyt ótse de, tórtkúl dúnıeniń teńdessizderi jınalǵan jarysta qanjyǵamyz bir maılanǵan joq.

Basqa da bir eleýli tabystarymyz jaıynda aıtar bolsaq, 2000 jyly Sıdneıde alaý­y tutanǵan Olımpııa oıyndarynda Sergeı Fedorchenko besinshi oryn aldy. 2004 jylǵy Afına Olımpıadasynda Ernar Erimbetov tórtinshi satyǵa taban tiredi. О́tken ǵasyrdyń toqsanynshy jyldarynyń sońynda Alekseı Dmıtrıenko Álem kýbogyn ıelendi. Túrli dúbirli dodada daralanǵan basqa da birli-jarym gımnasshylar boldy, biraq olardyń eshqaısysy Olımpııa oıyndary men álem chempıonattary sekildi asa mańyzdy jarystarda júldeli oryndarǵa qol jetkize almady. Osy jaıttyń barlyǵyn oı eleginen ótkize kele, Qazaqstannyń sporttyq gımnastıkasy birte-birte qurdymǵa ketip bara jatqanyn ańǵarasyz.

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar