Qoǵam • 27 Qazan, 2021

Qyzyl tólqujatty «qımaı» júrgender bar eken

65 ret kórsetildi

Elimizde mártebesi rettelmegen jáne jeke basyn kýálandyratyn qujatsyz júrgen azamattardy anyqtaý boıynsha aksııa júrip jatyr. Aksııa aıasynda respýblıka boıynsha 6 myńnan asa qujatsyz júrgen azamat anyqtalyp, olardyń kópshiligine ózderine tıisti jeke basyn kýálandyratyn qujat tabystalǵan. Bul týraly Qyzylordadaǵy óńirlik kommýnıkasııalar qyzmetinde ótken brıfıngte IIM Kóshi-qon qyzmeti komıtetiniń azamattyq, ımmıgrasııa jáne emıgrasııa basqarmasynyń bastyǵy Ǵanı Shymyrbaev málimdedi.

– Jeke basyn kýálandyratyn qu­jattyń bolmaýy azamattyń kon­stı­týsııalyq quqyqtary men zańdy múd­de­lerin iske asyrýyn shekteıtinin bilesizder. Olar járdemaqy nemese basqa da áleýmettik kómekter alýdy da rásimdeı almaıdy. Bilim alý jáne densaýlyq saqtaý qyzmetterin paı­dalanýda kóp qıyndyq tartady. Sol sebepti aksııa sheńberinde jeke basyn kýálandyratyn qujaty joq tulǵalarǵa tıisti kómekter kórsetilýde. Qujaty joqtardyń kópshiligi Almaty, Túrkistan, Jambyl oblystary men Shymkent qalasynda tirkelip otyr. Ishki ister mınıstrligi júrgizilip jatqan aksııa 2022 jyldyń mamyr aıyna deıin jalǵasady, – dedi Ǵanı Shymyrbaev.

Brıfıngte Adam quqyqtary jáne zańdylyqty saqtaý jónindegi Qazaqstan halyqaralyq bıýrosy dırektorynyń orynbasary Denıs Djıvaga osy baǵytta bıýro atqaryp jatqan jumystar jaıly aıtyp ótti.

Qyzylorda oblystyq Polısııa departamenti Kóshi-qon qyzmeti bas­qar­masy bastyǵynyń orynbasary Saǵyndyq Qamıtbekovtiń aıtýynsha, oblysta 26 adamnyń eski úlgidegi qujatpen júrgeni belgili bolǵan. Qa­zaqstan azamattylyǵyna tıisti ekeni anyqtalǵannan keıin olarǵa jeke bas qujattary berildi. Odan bólek, osy jyly oblys boıynsha 34 sheteldik turaqty turýǵa qaldyrylǵan.

 

QYZYLORDA

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar