Polısııanyń habarlaýynsha, oqıǵa 23 qazanda shamamen saǵat 21.00-de jeke úıde bolǵan. Alkogoldi ishimdikti birge ishken bes adamnyń arasynda janjal shyǵyp, sońy top bolyp tóbelesýge jetken.
Pyshaq jaraqatynan eki adam qaıtys boldy, bir adam Shý qalasynyń aýrýhanasyna jansaqtaý bólimine jatqyzyldy.
Júrgizilgen tergeý barysynda 44 jastaǵy jergilikti turǵyn ustaldy. Taǵy bir 34 jastaǵy er adamdy izdeý sharalary qabyldanyp jatyr.
Qylmystyq kodekstiń 99-baby 2-bóligi 1-tarmaǵy («eki nemese odan kóp adamdy óltirý») boıynsha sotqa deıingi tergeý bastaldy.
Tergeý júrgizilip jatyr, birqatar sot saraptamasy taǵaıyndaldy.
