Joba birneshe kezeń boıynsha júzege asady: ótinimderdi qabyldaý, irikteý, qatysýshylardy oqytý jáne daıarlaý, bıznes-josparlar marafonyn ótkizý.
Jobanyń maqsaty ómir sapasynyń standarttaryn jetildirýge, ozyq bilim men tehnologııalardy eldiń áleýmettik-ekonomıkalyq ómirine yqpaldastyrýǵa baǵyttalǵan kásipkerlerdiń áleýmettik mańyzy bar bıznes-bastamalaryn qoldaý bolyp tabylady.
Baıqaýdyń nátıjesi boıynsha 10 fınalıst irikteletin bolady.
«Baıqaýdyń 5-shi maýsymynyń aıyrmashylyǵy, bul maýsymda júldegerler bolmaıtyndyǵynda. Jobanyń 10 fınalısi úshin bıznes-perishtelermen pıtch-sessııalar uıymdastyrylatyn bolady, olar perspektıvti startaptarǵa 100 mln. teńgeden astam ınvestısııa salýǵa daıyn», dedi «Bolashaq» Qaýymdastyǵynyń múshesi, «Alawwal Partners» ınvestısııalyq qorynyń basqarýshy seriktesi Qanysh Tileýshin.
Joba júzege asyrylyp júrgen ýaqyt aralyǵynda baıqaýǵa 10 000-nan astam adam qatysyp úlgergen. Búginigi tańda olardyń kópshiligi jeke kásipterin ıgerip alǵan.
Baıqaýǵa qatysýǵa arnalǵan ótinimder 22 qańtarǵa deıin (qosa alǵanda) onlaın www.startup-bolashak.kz saıtynda qabyldanady. Jeńimpazdardyń attary sáýir aıynda belgili bolady. «Startup Bolashaq» baıqaýynyń barysyn realıtı-shoý formatynda kórýge bolady.
Baıqaýdyń ótýi jáne ótinim berý týraly tolyǵyraq aqparatty www.startup-bolashak.kz saıtynan jáne +7 7172 707 669 telefony arqyly bile alasyzdar.
