Oblystyq polısııa qyzmetkerleriniń habarlaýynsha, oqıǵa 27 qazan kúni keshkisin bolǵan.
«Tártip saqshylaryna taksı júrgizýshisine shabýyl jasalǵany týraly qońyraý tústi. Júrgizýshiniń aıtýynsha, jolaýshy mejelengen jerge jetkennen keıin jolaqysyn tóleýdiń ornyna pyshaqtap óltirmek bolǵan.
Taksı júrgizýshisine ótip bara jatqandardyń biri kómektespek bolyp júgirip kelgen. Ol pyshaqpen tap bergen adamdy kólikten shyǵarýǵa umtylǵan. Mas jolaýshy ony da pyshaqtamaq bolǵanda oǵan jaýap retinde ári qorǵaný úshin belgisiz travmatıkalyq qarýdan birneshe oq atqan», dep naqtylady polısııa departamenti.
Kóp uzamaı janjal shyǵarǵan 55 jastaǵy jolaýshy ustaldy.
«Oǵan gospıtalızasııasyz medısınalyq kómek kórsetildi. Atalǵan faktige sáıkes QR QK 293-baby «Buzaqylyq» boıynsha sotqa deıingi tergeý bastaldy. Qazirgi ýaqytta oq atýshynyń jeke basy anyqtalýda», dep tolyqtyrdy departament.
