Qoǵam • 28 Qazan, 2021

Múgedektigi barlarǵa jańa járdemaqy tólenedi

86 ret kórsetildi

Kelesi aıdan bastap múgedektigi bar adamdar men olardyń otbasylary jańa járdemaqy ala bastaıdy. Bul týraly QR Eńbek jáne halyqty áleýmettik qorǵaý birinshi vıse-mınıstri Aqmádı Sarbasov TMD-ǵa qatysýshy memleketterdiń konsýltatıvtik keńesiniń otyrysynda aıtty, dep habarlaıdy Egemen.kz.

«Bıylǵy 12 qazanda Prezıdent «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» Zańǵa qol qoıdy. Parlament Senaty men Májilisiniń jumys toby músheleriniń, Úkimet janyndaǵy Múgedektigi bar adamdardyń máseleleri jónindegi úılestirý keńesiniń, sondaı-aq jurtshylyq pen saraptama qoǵamdastyǵynyń usynystary Zańnyń negizine alyndy. Zań 19 tujyrymdamalyq túzetýden turady jáne 16 zańnamalyq aktige ózgerister engizýdi kózdeıdi. Kelesi aıdan bastap múgedektigi bar adamdar men olardyń otbasylary jańa járdemaqy ala bastaıdy», dedi Aqmádı Sarbasov.

Atalǵan Zańda kózdelgen normalar týraly aıta kele, birinshi vıse-mınıstr «Áleýmettik kásipkerlik týraly» jáne «Inklıýzıvti bilim berý týraly» taǵy eki zańnyń qabyldanǵanyn habarlady.

«Olardyń birinshisi áleýmettik kásipkerlik uǵymyn, áleýmettik kásipkerlik sýbektileriniń negizgi mindetteri men sanattaryn, áleýmettik kásipker mártebesin berý tetigin aıqyndaıdy, sondaı-aq memlekettik qoldaýdyń aýqymdy sharalaryn kózdeıdi. Tutastaı alǵanda, zań múgedektigi bar adamdardyń iskerlik belsendiligin de, jumyspen qamtylýyn da yntalandyrýǵa baǵyttalǵan. Bilim mınıstrliginiń bastamasy boıynsha qabyldanǵan ekinshi zań oqytýdyń barlyq deńgeılerinde erekshe bilim berýge qajettiligi bar adamdardyń quqyqtaryn iske asyrýǵa baǵyttalǵan. О́zgerister men tolyqtyrýlar Bilim týraly, Bala quqyqtary týraly, Múgedektigi bar adamdardy áleýmettik qorǵaý týraly zańdarǵa engizildi», dedi ol.

Aqmádı Sarbasov Memleket basshysynyń tapsyrmasyn oryndaý maqsatynda BUU-nyń Múgedekterdiń quqyqtary týraly konvensııasyna Fakýltatıvtik hattamany ratıfıkasııalaý boıynsha jumys júrgizilip jatqanyn atap ótti. Tıisti zań jobasy QR Parlamenti Májilisiniń qaraýynda jatyr.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar