«IIM tergeý-jedel toby Qazaqstan táýelsizdigi tarıhyndaǵy eń iri qarjy pıramıdasynyń basshylaryna qatysty qylmystyq is boıynsha sotqa deıingi tergeýdi aıaqtady», dep habarlady Nurdildá Oraz.
Onyń aıtýynsha, tergeý barysynda 2016 jyldyń naýryzynan bastap 2017 jyldyń maýsymyna deıin Ispanııa, Kabo-Verde jáne Reseı azamattary Qazaqstan aýmaǵynda «KÝESTRA ÝORLD» qarjy pıramıdasyn quryp, ony quramyna qazaqstandyqtar tartylǵan transulttyq uıymdasqan top quramynda basqarǵany anyqtaldy.
Ol pıramıda basshylary salynǵan somanyń 336%-na deıin tabystylyqqa kepildik bere otyryp, salymshylarǵa vırtýaldy valıýtany paıdalanyp, quny 90-nan 500 myń eýroǵa deıingi oıdan shyǵarylǵan ınvestısııalyq portfelderdi satyp alýdy usynǵanyn qosty.
«Bul rette tartylǵan qarajat bir qatysýshylardy jańa salymshylardyń jarnalary esebinen baıyta otyryp, ózara qaıta bólindi. Qarjy pıramıdasyna Qazaqstannyń myńdaǵan azamattary tartyldy. Keltirilgen materıaldyq shyǵyn somasy 1 mlrd teńgeden asty. Qylmystyq is boıynsha tórt adam, onyń ishinde buryn Belarýsten ekstradısııalanǵan Reseı Federasııasynyń azamaty jaýapkershilikke tartyldy», dep atap ótti Nurdildá Oraz.
