Sport • 02 Qarasha, 2021

Japonııadan júldesiz oraldyq

36 ret kórsetildi

Japonııanyń Kıtakıýsıý qalasynda kórkem gımnastıkadan álem chempıonaty óz máresine jetti. О́kinishke qaraı, atalǵan jarystan Qazaqstan qurama komandasynyń qorjyny bos qaıtty. Jekelegen jattyǵýlarda aýyz toltyryp aıtarlyqtaı tabystarǵa jete almaǵanymyz bylaı tursyn, kópsaıystyń qorytyndysyna da kóńilimiz tolmady. Bul básekede Eljana Tanıeva men Dilnaz Baılenova óner kórsetken edi. Alǵashqy baǵdarlamada úzdik 18 gımnasshynyń qataryna qosyla almaǵan qazaq qyzdary jarystyń fınaldyq bóligine óte almady.

Ulttyq komandamyzdyń bas bapkeri Álııa Iýsýpova jer­les­terimizdiń álemdik dodadaǵy óne­rine mynadaı baǵa berdi: «Kún­shyǵys elinde bıik belesterdi baǵyndyra almaýymyzdyń ózindik sebepteri bar. Birinshiden, bizdiń qu­ramadaǵy qyzdardyń barlyǵy da álem chempıo­natyna alǵash ret qatysyp otyr. Sol sebepti de bi­raz qobaljý boldy, tájirıbeniń az­dyǵy da sezildi. Meniń oıymsha, osyndaı dúbirli dodada alǵash ret baq synap otyrǵan Eljana Tanıeva úshin 21-oryn jaman kórsetkish emes. 31-satyǵa taban tiregen Dilnazdyń áńgimesi múlde bólek. Negizi onyń ornyna Sábına Baqatova barýǵa tıis edi. Alaıda ol jaraqat alýyna baılanysty elde qalyp qoıdy. Biz Sábınany dereý Dilnazben almastyrýǵa májbúr boldyq. Sondyqtan da elimizdiń úshinshi nómirli sportshysynyń bul kórsetkishin jaman dep aıtýǵa aýyz barmaıdy. Ekinshiden, qurama únemi jańartylýda. Odan qalsa, pandemııa saldarynan sońǵy kezderi kóptegen jarystan shet qaldyq. Osynyń barlyǵy keri áserin tıgizdi. Biraq biz qol qý­syryp otyrǵan joqpyz. Kórkem gımnastıkany damytý úshin barynsha kúsh salyp jatyrmyz. Aldaǵy ýaqytta Qazaq eliniń arýlary ózderiniń aıshyqty ónerimen jankúıerlerin qýantatynyna senimdimin», dedi ol.

Chempıonattyń sońǵy kún­deri komandalar arasyndaǵy básekeler ótip, Aıdana men Daıana Shaıah­me­tovalar, Mılana Býdnık, Alına Cher­nysheva, Aısulý Myr­zaǵalıeva jáne Saǵına Muratova el namy­syn qorǵady. Bul jarys­ty jer­lesterimiz 16-orynmen qory­tyn­dylady.

Japonııadaǵy álem chempıonatynda toǵyz júlde jıyntyǵy sarapqa salyndy. Bul joly da Reseıdiń kórkem gımnasshyla­ry aldyna jan salmaı, osy sport túrindegi Jer-jahannyń eń úzdik komandasy ekenin taǵy bir dáleldedi. Jekelegen jat­ty­ǵýlardyń tórteýinde olarǵa teń ke­ler eshkim tabylmady. Tarqatyp aıtsaq, jalǵyz Dına Averınanyń ózi bes márte jeńis tuǵyrynyń eń bıik satysyna kóterildi. 23 jastaǵy Nıjnıı Novgorod qala­synyń týmasy «sheńber», «dop», «urshyq» jattyǵýlary men kóp­saıysta altynnan alqa taqty. Al «taspada» be­larýstyq Alına Gornosko bas júldeni olja­lasa, Averına kúmis medaldi qanaǵat tutty.

Kıtakıýsıýde joǵaryda esim­deri atalǵan gımnasshylar­dan bólek, Dınanyń egizi Arına Ave­rına 2 kúmis pen 1 qola medaldi moınyna ildi. Belarýstyq Anas­tasııa Salos pen ıta­lııalyq Sofııa Raffaellı de úshinshi orynǵa taban tiredi. Al toptyq bá­sekelerdiń bireýinde Italııa qu­ra­masy ozsa, taǵy bir altyn Re­seıge buıyrdy.

Japonııadaǵy jarystyń basty juldyzyna aınalǵan Dına Averınanyń tabysyna, rasynda da, tańdanbaý múmkin emes. 1998 jyldyń 13 tamyzynda Nıjnıı Novgorod oblysynyń Zavolje qalasynda dúnıege kelgen ol 2017-2021 jyldar aralyǵynda ja­laýy jelbiregen tórt álem chem­pıonatynda 18 altyn, 3 kúmis jáne 1 qola medaldi jeńip aldy. Bıyl Tokıo Olımpıadasynda oıda-joqta ızraıldik Lınoı Ashramǵa ese jiberip, kúmispen kúpteldi. Sondaı-aq onyń Eýro­pa oıyndarynyń úsh dúrkin jeńimpazy jáne 10 dúrkin Eýropa chempıony degen ataqtary taǵy bar. Al Dınanyń egizi – Arına álem chempıonattarynda 5 altyn, 3 kúmis jáne 2 qolany oljalady. Ol Eýropa birinshilikterinde toǵyz ret altynnan alqa taqty. Mine, búgingi tańda Reseı kórkem gımnastıkasynyń kósegesin kó­gertip otyrǵan dál osy apaly-siń­lili Averınalar.

Sońǵy jańalyqtar

Elimizde taǵy 4 adamnan koronavırýs anyqtaldy

Koronavırýs • Búgin, 10:41

Ustazdyń aty ólmeıdi

Bilim • Búgin, 10:30

Karapastyń qarqyny kúshti

Sport • Búgin, 10:29

«Kaspıı» kósh bastady

Sport • Búgin, 10:27

Medısınalyq poıyzdar jolǵa shyqty

Medısına • Búgin, 10:17

Tórtinshi orynda qalyp qoıdy

Sport • Búgin, 08:59

«Jas daryn» baıqaýy ótti

Aımaqtar • Búgin, 08:58

Elıtadaǵy ornyn saqtap qaldy

Hokkeı • Búgin, 08:55

«Jasyl» ósim ornyqty damýǵa jeteleıdi

Ekologııa • Búgin, 08:52

Jarqyn beınesi jadymyzdan óshpeıdi

Qazaqstan • Búgin, 08:50

Adaldyq pen shyndyqty shyraq etti

Qazaqstan • Búgin, 08:48

Kóshelerde sý kólkimeýi úshin...

Ǵylym • Búgin, 08:44

Daıyndyq jumystary júrip jatyr

Referendým-2022 • Búgin, 08:35

Jastar jaýapty tańdaý jasaýǵa daıyn

Referendým-2022 • Búgin, 08:30

Bul – ózekti máseleni birlesip sheshý joly

Referendým-2022 • Búgin, 08:28

Halyq pen bıliktiń úılesimi

Referendým-2022 • Búgin, 08:25

Bolashaq zańgerlermen kezdesti

Referendým-2022 • Búgin, 08:18

Erteńge degen senimdi oıatady

Referendým-2022 • Búgin, 08:15

52 elde 65 ýchaskelik komıssııa quryldy

Referendým-2022 • Búgin, 08:10

Uıymdastyrý men ótkizý jumystary pysyqtaldy

Referendým-2022 • Búgin, 08:06

Salyq túsimderi byltyrǵydan joǵary

Ekonomıka • Búgin, 08:00

Uqsas jańalyqtar