Qoǵam • 02 Qarasha, 2021

О́ńirler pedıatrsyz qalýy múmkin - Nur Otan

Medısına mamandaryn daıarlaýǵa arnalǵan granttar men bilim berý baǵdarlamalarynyń sanyn arttyrý, aýrýhanalardy zamanaýı qural-jabdyqtarmen jaraqtandyrý jáne partııanyń saılaýaldy ýádeleriniń basqa da pýnktterin «Nur Otan» janyndaǵy Ult densaýlyǵy máseleleri jónindegi respýblıkalyq qoǵamdyq keńestiń músheleri talqylady, dep habarlaıdy Egemen.kz.

Gaýhar QAPASh

Qazirgi tańda Densaýlyq saqtaý mınıstrligi «Nur Otan» saılaýaldy baǵdarlamasyn iske asyrý jónindegi Jol kartasynyń 4 tarmaǵyn oryndady. Egde adamdardyń aýrýlaryn emdeýge mamandanǵan medısına mamandaryn daıarlaýdyń 3 bilim berý baǵdarlamasy ázirlenip, medısına qyzmetkerlerin, onyń ishinde arnaýly salaǵa mamandanǵan kadrlardy daıarlaýǵa 4685 grant bólindi.

Salalyq vedomstvonyń bergen aqparatyna sáıkes, 3 zerthana joǵary tehnologııalyq jabdyq alǵan, al aýdandyq aýrýhanalar men perzenthanalar qajetti jabdyqpen 76,8%-ǵa qamtamasyz etilgen.

«Bıyl 1000 dana bosandyrý jabdyǵy, 75 rentgen apparaty jáne 16 kompıýterlik tomograf satyp alyndy. Sonymen qatar, arnaýly salaǵa beıindelgen mamandardy daıarlaýǵa granttar bólý kezinde óńirlerdiń ótinimderine súıenetinimizdi atap ótkim keledi. Mysaly, pedıatrııa boıynsha rezıdentýrada oqýǵa 111 ótinish tústi», dedi Densaýlyq saqtaý vıse-mınıstri Ajar Ǵınııat.

Osy oraıda Keńes tóraǵasy, Májilis depýtaty Larısa Pavloves arnaýy salaǵa beıindelgen medısınalyq mamandarǵa degen oblystardaǵy suranystyń azdyǵyna qatysty óz alańdaýshylyǵyn bildirdi.

«Pedıatrlar is júzinde joqtyń qasy, endi eki jyl ishinde balalarymyzdy emdeıtin eshkim bolmaıdy. Osy 111 adamnyń barlyǵy óz mamandyǵy boıynsha jumys isteıtinine kim kepildik bere alady? Jergilikti jerlerdegi densaýlyq saqtaý basqarmalary granttarǵa ótinimder berý kezinde barynsha muqııat bolýy kerek dep oılaımyn», dedi Larısa Pavloves.

Otyrys barysynda partııalyqtar temeki ónimderin jarnamalaýǵa jáne ornalastyrýǵa tyıym salý máselesin de kóterdi. Ulttyq ekonomıka mınıstrliginiń ókili Mahambet Myńbaev tutynýshylardyń quqyqtaryn qorǵaý týraly norma baryn jáne satýshylar satyp alýshyǵa taýardy erkin tańdaýdy qamtamasyz etýi tıis ekenin, taýardy ornalastyrý reti – bul satýshynyń mindeti jáne ol jarnama bolyp tabylmaıtynyn alǵa tartty.

Keńes tóraǵasynyń orynbasary Jámıla Sadyqova onymen túbegeıli kelispedi. Ol 2006 jyly Qazaqstan DDU-nyń Temekige qarsy kúres jónindegi negizdemelik konvensııasyn ratıfıkasııalaǵanyn eske saldy. Oǵan sáıkes taýardy ornalastyrý reti jarnama bolyp tabylady.

Osy tusta Jámıla Sadyqova bıznes sýbektilerine temeki ónimderin satýdyń jańa erejelerin saqtaý týraly túsindirme hat jibermegen Saýda mınıstrliginiń jumysyn da synǵa aldy. Onyń aıtýynsha, bul tapsyrmany Premer-mınıstrdiń birinshi orynbasary 6 tamyzda bergen. Osyǵan baılanysty vıse-premerdiń atyna tıisti shaǵym joldanady.

Jıyn qorytyndysy boıynsha keńes Ulttyq ekonomıka mınıstrligi men Saýda mınıstrligine pármendi túsindirý jumystaryn júrgizýdi, al Densaýlyq saqtaý mınıstrligine medısınalyq tehnıkamen jabdyqtaý deńgeıi tómen aýdandardaǵy ahýaldy túzetý jóninde sharalar qabyldaýdy usyndy.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz