Bir aptaǵa jýyq úıinde bolmaı, basqa qalaǵa ketip, al kelgeninde seıftegi 54 mıllıon teńgesi urlanǵanyn kórgen azamatsha dereý polısııaǵa habarlasqan. Ury seıften 54 mln teńgeni alyp, 2 mln teńgeni qaldyryp ketken.
Polıseıler beınekameralardy teksergenmen urlyqqa qatysty dáıek tappaǵan. Alaıda oqıǵaǵa deıin páterge kelip, qonaq bolyp júrgender arasynda jábirlenýshiniń 42 jastaǵy qurbysy kúdik uıalatqan.
Tergep-tekserý amaldary barysynda kúdiktiniń qomaqty qarajatpen Almaty qalasyna ketkendigi anyqtaldy. Polısııa qyzmetkerleri ustaý barysynda áıelden 36 mıllıon teńge tárkiledi. Kúdikti óz kinásin tolyqtaı moıyndady.
Atyraýlyq polıseıler QR Qylmystyq kodeksiniń 188-baby 4-bóligi boıynsha tergeý amaldaryn júrgizip, is-qujattaryn sotqa joldady.
