Tasymaldaýda irkilis joq

Onyń ishinde respýblıkanyń jylý elektr ortalyqtaryna 4,2 mln tonna jetkizilip, tıeý jospary 102,3 paıyzdy qurady. Elimizdiń kommýnaldyq-turmystyq qajettiligi úshin 986 myń tonnadan astam qatty otyn tıelse, eksportqa 2,1 mln tonna kómir jóneltilgen. Qazan aıynda jalpy kómir tıelimi 7,3 mln tonnany quraǵan.

Oblystardaǵy «QTJ-Júk tasymaly» JShS fılıaldary jol bólimshelerinde kómir saqtalatyn tuıyqtardy aralap, kásiporyndardyń kirme joldaryndaǵy kómir qorlaryn baqylap, olardyń ıelerimen birlesip, stra­tegııalyq júkti jetkizý boıyn­sha máselelerdi anyqtaıtyn jedel monıtorıngtik toptar jumys isteýde. Olar barlyq aqparatty jedel túrde ulttyq kompanııanyń ortalyq appara­ty­nyń kómirdi tasymaldaý jónindegi shtabyna joldap otyrady.

Qazan aıynyń 25 kúni ishinde Qosta­naı, Pavlodar, Qaraǵandy, Semeı jol bólim­sheleri boıynsha QTJ-nyń monı­torıngtik toptary 30-dan astam kommý­naldyq-turmystyq kómir alýshylardy aralaǵan. Máselen, Qostanaı oblysyna qazan aıynyń 25 kúninde 43 myń tonnadan astam, Pavlodar oblysynda 36 myń tonnadan astam, Qaraǵandy oblysynda 128 myń tonnadan astam kommýnaldyq-turmystyq kómir jetkizilip, jospar mejeden asyra oryndalǵan.

Júk jóneltýshi «Vostok­Ýgol­Prom» JShS qazan aıyn­da Shyǵys Qa­zaq­­stan oblysynyń kommýnaldyq-tur­my­s­­­tyq qajettilikteri úshin 180 myń ton­­­na­­dan astam kómir tıeýdi josparlap­ty. Alaı­­da osy aıdyń 25 kúninde 185 myń ton­­nadan astam qatty otyn tıep, jos­­par­­dyń oryndalýy 128 paıyzdy qurady.

Monıtorıngtik toptar kirme jol­­dardy aralaý barysynda kom­mý­nal­dyq-turmystyq kómir alýshylarda týyndaǵan barlyq máseleni jedel tártippen sheship otyrady. Birlesip uıymdastyrylǵan jumys nátıjesinde óńirlerde turǵyndardyń kómir satyp alýyna qatysty aıtarlyqtaı problemalar anyqtalmaǵan.