Qazaqstanǵa kelip jetken sýyq soltústik-batys antısıklony kóptegen oblystarda jaýyn-shashynnyń toqtaýyna jáne temperatýranyń aıtarlyqtaı tómendeýine alyp keldi.
«Tek 4 qarashada atmosferalyq fronttardyń ótýine baılanysty ońtústik, ońtústik-shyǵys óńirlerde qar jaýady, taýly aýdandarda - qatty qar, jeldiń kúsheıýi, kóktaıǵaq, burqasyn kútiledi. Sondaı-aq respýblıkanyń basym bóliginde tuman kútiledi», dep habarlady «Qazgıdromet» RMK.
Aýa temperatýrasy batysta túnde 1-6 aıaz, kúndiz 0-5, ońtústikte 3-8 aıaz, kúndiz 10, soltústik-batysta 8-13-ten 0-10-ǵa deıin aıaz, kúndiz 5 aıaz–6 jylý, soltústikte 13-18-den 0-10-ǵa deıin aıaz, kúndiz 0-8-den 0-6-ǵa deıin, ortalyqta jáne elimizdiń shyǵysynda túnde 13-21-den 5-13-ke deıin aıaz, kúndiz 2-13-ten 0-8-ge deıin aıaz, soltústik-shyǵysta 0-8 jylý, ońtústik-shyǵysta túnde 5-13 aıaz, kúndiz 2-7 aıazdan 0-5 jylýǵa deıin.
