Búgin, Ońtústik Koreıanyń 100-den astam azamaty týysqandarymen kórisý úshin Soltústik Koreıaǵa keldi, dep habarlaıdy ITAR-TASS agenttigi.
1950-1953 jyldary Koreı soǵysy kezinde bir-birinen kóz jazyp qalǵan otbasylardyń kezdesýi KHDR aýmaǵynda ornalasqan Kymgansan kýrorttyq aımaǵyndaǵy qonaq úılerdiń birinde ótti. Kezdesýge eki jaqtan 180-ge jýyq qart adam kelgen. Olardyń tabysýyna 60 jyldan astam ýaqyt boıy múmkindik bolmaǵan eken.
12-14 aqpanda joǵary deńgeıde ótken koreıaralyq kelissózder barysynda atalmysh sharany ótkizý jóninde sheshim qabyldandy. Budan buryn bir-birinen kóz jazyp qalǵan otbasylardy kezdestirýdi 20-25 aqpanda ótkizý josparlanǵan edi. Alaıda, sońǵy sátte bul shara keıinge qaldyryldy.
Bir-birinen kóz jazyp qalǵan otbasylardy kezdestirý sharasy alǵash ret 1985 jyly ótti. Sonyń arqasynda 21,7 myń adam óz týystaryn kórýge múmkindik alǵan edi. Sodan bergi 15 jyl ishinde mundaı shara qolǵa alynbaǵan eken.
Aıdar О́risbaev.
Derekkóz: Itar-tass.com.
Foto: Itar-tass.com.
