Kásiporyn jylyna munaı jáne gaz ónerkásibine qajetti 700 shaqyrymǵa jýyq qubyr óndirmek. Munda sońǵy úlgidegi tehnologııalardyń kómegimen qubyrlarǵa ishki jáne syrtqy qaptama jumystary júrgiziledi.
«Jańa qubyr tehnologııalary» JShS dırektory Myrzabaı Ońdaǵannyń aıtýynsha, ınvestısııalyq jobanyń quny – 5 mlrd teńge. 200 jańa jumys orny qurylyp, jumysshylar arnaıy daıarlyqtan ótken.
Zaýyttyń ashylý saltanatynda óńir basshysy Nurlan Noǵaev mundaı zaýyttardyń ashylýy óńirdiń áleýmettik-ekonomıkalyq damýyna tyń serpin beretinin atap ótti.
– Elbasy baǵdarlamalyq qujattarda jergilikti qamtýdy damytýdyń qajettiligin birneshe ret kórsetti. El Prezıdenti de bizge osyndaı mindet qoıyp otyr. Biz óńirdiń munaı-gaz salasyndaǵy jergilikti qamtýdyń úlesin ulǵaıtý úshin bar kúsh-jigerimizdi jumsaımyz, – dedi oblys ákimi.
Otandyq ónim men otandyq ódiriske qoldaý kórsetý mańyzdy másele desek, Aqtaýda ashylǵan zaýyt úshin qýanýǵa bolady.
