Is-sharaǵa QR Ekologııa, geologııa jáne tabıǵı resýrstar mınıstri S.Bekeshev, Qazaqstannyń ekologııalyq uıymdary qaýymdastyǵy Assosıasııasynyń tóraıymy Á.Nazarbaeva, Orta Azııa elderiniń ókilderi jáne halyqaralyq sarapshylar qatysty.
Is-sharanyń maqsaty - bolashaǵy bar «jasyl» ınvestısııalyq jobalar turǵysynan óńirge qyzyǵýshylyq týǵyzý. Sonymen qatar, óńirlik elder arasyndaǵy dıalogty kúsheıtýge, ǵylymı negizdelgen sheshimder qabyldaýǵa, tájirıbe almasýǵa, sondaı-aq halyqaralyq qarjy uıymdarymen jáne Orta Azııadaǵy jobalardy damytý jónindegi agenttiktermen birlesýge járdemdesý.
Qazaqstannyń Ekologııa, geologııa jáne tabıǵı resýrstar mınıstri Serikqalı Brekeshev memleket basshysynyń Klımattyq ambısııalar jónindegi sammıtte aıtylǵan 2060 jylǵa qaraı kómirtekti beıtaraptyqqa qol jetkizý jónindegi Qazaqstannyń ekologııalyq bastamasy naqty qadamdarmen rastalyp jatqanyn atap ótti.
«Ekonomıkany qurylymdyq dekarbonızasııalaý boıynsha qadamdarmen Qazaqstannyń 2060 jylǵa deıingi tómen kómirtekti damý doktrınasy ázirlenip jatyr. Qazaqstan Ekologııalyq kodeksti qabyldady, onyń normalary álemdik standarttarǵa sáıkes keledi jáne onda, atap aıtqanda, óndiristi «jasyldandyrý» úshin eń úzdik qoljetimdi tehnıkalardyń qaǵıdattary kórsetilgen», dedi Serikqalı Brekeshev.
Qazaqstannyń ekologııalyq qaýymdastyqtarynyń basshysy Álııa Nazarbaeva óz baıandamasynda «jasyl» damýǵa jáne turaqty tehnologııalar transfertine járdemdesý úshin Orta Azııa elderi men halyqaralyq qoǵamdastyq arasyndaǵy tıimdi áriptestik ıdeıasyn kórshi eldermen kooperasııasyz jáne yntymaqtastyqsyz jáne halyqaralyq qarjy ınstıtýttarynyń saraptamasy men qoldaýynsyz iske asyrý múmkin emestigin aıtty.
«Biz óńir elderimen transfert jáne taza tehnologııalardy engizý máselesi boıynsha jınaqtalǵan tájirıbeni, bilim men ádisnamany bólisýge daıynbyz. 2021 jyly parnıktik gazdar shyǵyndaryn azaıtý salasynda ulttyq-aıqyndalatyn salymdar formatynda ulttyq saıasat maqsattaryn jańartý jónindegi prosess aıaqtalady. Orta Azııa elderi taıaý bolashaqqa óz josparlaryn usynbaq jáne Parıj kelisiminiń tabystylyǵy jáne bizdiń óńirdegi klımat pen qorshaǵan ortanyń jaı-kúıi osy josparlardyń iske asyrylýyna, sondaı-aq bizdiń birlesken kúsh-jigerimizge baılanysty bolady», dedi Álııa Nazarbaeva.
Sonymen qatar, Qazaqstannyń ekologııalyq qaýymdastyǵynyń basshysy kórshiles memleketterdi Klımatty saqtaý máseleleri jónindegi Orta Azııa haby retinde HJTIJO alańynda yntymaqtasýǵa shaqyrdy.
Qazaqstannyń halyqaralyq arenada óńir birliginiń bastamashysy retindegi róli - ekologııalyq máselelerdi, onyń ishinde óndiristerdi jasyl ekonomıkaǵa beıimdeý, ınvestısııalyq jasyl jobalardy ulǵaıtý máselelerin sheshýge baǵyttalǵan úlken qadam.
