Koronavırýsqa qarsy ekpe 16-18 jastaǵylarǵa birinshi salynady.
Bul týraly Qazaqstannyń bas memlekettik sanıtarııa dárigeri Erlan Qııasov bekitken nusqaýlyqta aıtylǵan.
«Bastapqy kezeńde koronavırýsqa qarsy profılaktıkalyq vaksınalaý 16 men 18 jas aralyǵyndaǵy jasóspirimderden bastalady. Keıin (16 men 18 jas aralyǵyndaǵy jasóspirimderdi vaksınalaý aıaqtalǵannan keıin) 15, 14, 13 jáne 12 jastaǵy jasóspirimder ekpe alady», delingen.
Bilim berý uıymdarynda (mektepterde, kolledjderde, joǵary oqý oryndarynda jáne t.b.) oqıtyn jasóspirimderdi vaksınalaý oqý orny boıynsha júrgizilýi múmkin.
Qazaqstanda jasóspirimderdi vaksınasııalaý erikti túrde jáne olardyń ata-anasy men zańdy ókiliniń aldyn ala kelisimimen ǵana júrgiziletinin eskerińiz.
