Aıtýly týrnırge joldama alýdyń ózi ońaı sharýa emes. Osy mejege jetý úshin Qazaqstan quramasyna da biraz ter tógýge týra keldi. Irikteý synynan súrinbeı ótken qyzdarymyz bıyl sáýir aıynda uıymdastyrylǵan pleı-off saıysynda Argentına tennısshilerimen sheberlik baıqasty. Asa tartysty ótken básekede bizdiń qyzdar 3:2 esebimen jeńiske jetti. Endi sheshýshi oıynda Germanııamen kúsh synasamyz. Bul kezdesý kelesi jyldyń 15-16 sáýirinde Nur-Sultanda ótedi. Eger jerlesterimiz jeńiske jetse, onda óz tarıhymyzda tuńǵysh ret Bıllı Djın Kıng kýbogynyń fınaldyq bóliginde óner kórsetý qurmetine ıe bolamyz.
О́zge básekeler myna komandalar arasynda ótedi: Aýstralııa – Slovakııa, Fransııa – Italııa, AQSh – Ýkraına, Chehııa – Ulybrıtanııa, Belarýs – Belgııa, Kanada – Latvııa, Ispanııa – Nıderland jáne Rýmynııa – Polsha.
