Aımaqtar • 08 Qarasha, 2021

Aqtaýdaǵy jarylys: Úıindiler astyndaǵy ballondar jarylýy múmkin

250 ret

kórsetildi

1 mın

oqý úshin

Bul týraly brıfıngte Mańǵystaý oblysy TJD Memlekettik órt baqylaý basqarmasy bastyǵynyń orynbasary Azamat Seıtalın málimdedi, dep habarlaıdy Egemen.kz.

Gaýhar QAPASh

Aqtaýdaǵy jarylys: Úıindiler astyndaǵy ballondar jarylýy múmkin

Bul týraly «Lada» basylymy málimdedi.

Oblystyq TJD málimetinshe, ǵımarat qırandylarynyń astynda taǵy eki gaz ballony bolýy múmkin.

«Saýda úıiniń ıesinen aldyn ala júrgizilgen saýalnama boıynsha, osy jerde bolýy múmkin gaz ballondarynyń sany anyqtaldy. Bizdiń qyzmetkerler eki gaz ballonyn alyp shyqty, taǵy eki gaz ballony úıindi astynda qalýy múmkin. Jarylys bolý qaýpi áli de bar», dedi Azamat Seıtalın.

Qazirgi ýaqytta jergilikti atqarýshy organ úıindilerdi tazalaýǵa 19 tehnıka, sondaı-aq 100-ge jýyq adam jumyldyrǵan. 100 sharshy metr úıindi tazartyldy. Jarylys tolqyny 70 metr radıýsta kórshiles ǵımarattardy, sondaı-aq toqtap turǵan 10 kólikti zaqymdady.

«Atalǵan fakt boıynsha materıaldar sotqa deıingi tergep-tekserýdiń biryńǵaı tizilimine tirkelip, odan ári prosessýaldyq sheshim qabyldaý úshin ishki ister organdaryna joldandy. Materıal Qylmystyq kodekstiń 292-babynyń 1-bóligi boıynsha quqyqbuzýshylyq deregi boıynsha tirkeldi. О́rt qaýipsizdigi talaptary saldaryn joıǵannan keıin qosymsha saraptamalar taǵaıyndalady», dedi Azamat Seıtalın.

Azamat Seıtalınniń aıtýynsha, elimizde shaǵyn jáne orta bıznesti tekseretin moratorıı saqtalyp otyr, osyǵan baılanysty Tótenshe jaǵdaılar mınıstrliginiń kásipkerlerdi gaz jabdyqtaryn paıdalaný qaýipsizdigin tekserýge múmkindigi joq.