Aımaqtar • 09 Qarasha, 2021

Qazyǵy Reseıde, jazyǵy Qazaqstanda

1712 ret kórsetildi

Sońǵy kúnderi Reseı Federasııasynda tirkelgen kólikterdiń máselesi biraz otandasymyzǵa bas aýrý bolyp jatyr. Bul memlekettik shekarada jatqan Batys Qazaqstan oblysy úshin de erekshe ózekti.

 

Reseıdiń Astrahan, Volgograd, Saratov, Samara jáne Orynbor oblystarymen shektesetin Batys Qazaqstan oblysy aýmaǵynda reseılik nómirli avtokólikter órip júr. Qazaqstandyq tirkeýdegi kóliktermen salystyrǵanda arzan ári jańalaý bolǵandyqtan, halyq jıi tańdaıdy. Batys Qazaqstan oblystyq Polısııa basqarmasynyń deregine qaraǵanda, sońǵy 5 jyl ishinde óńirde avtokólik sany eki ese kóbeıgen. Oblys joldaryna túsetin salmaq ta artqan: 2016 jyly 1 mln 391 myń avtokólik júrse, bıyl tek 10 aı ishinde 3 mln 200 myń avtokólik jolǵa shyqqan.

«Batys Qazaqstan oblysy aýmaǵymen ótetin halyqaralyq jáne respýblıkalyq mańyzy bar avtojoldarda aýyr salmaqty júk kólikteriniń de sońǵy bir jyl ishinde úsh ese kóbeıgeni baıqaldy. Al bul joldar tehnıkalyq jaǵynan eni 7 metrden aspaıtyn 3 dárejeli joldar sanalady. Joǵaryda aıtylǵan aýyr júk kólikteriniń jyldamdyǵy qazaqstandyq jol erejesi boıynsha saǵatyna 70 km-den aspaýy tıis. Jeńil kólikter olardy basyp ozýy úshin joldyń qarsy betine shyǵýyna týra keledi. Al birneshe júk kóligi tirkesip, avtokolonna bolyp kele jatqan tusta mundaı manevr jasaý ońaı emes. Jol boıyndaǵy apatty jaǵdaı kóbine osyndaı sátterde týyndaıdy» deıdi jol saqshylary.

8-17 qarasha aralyǵynda Batys Qazaqstan oblysy aýmaǵynda «Qaýipsiz jol» atty jedel-profılaktıkalyq is-sharasy bastaldy. Málimetterge qaraǵanda, óńirde sońǵy aptanyń ishinde 5 jol-kólik oqıǵasy bolyp, 5 adam jaraqat alǵan eken. Al sońǵy 10 aı ishinde bolǵan 243 jol apatynan 84 adam qaza tapqan! 357 adam túrli dene jaraqatyn alǵan.

Joǵaryda aıtqanymyzdaı, shet memlekette tirkelgen, biraq Batys Qazaqstan oblysy aýmaǵynda júrgen avtokólikterge qatysty másele kún ótken saıyn ýshyǵyp barady. Máselen, BQO-da jyl basynan beri sheteldik tirkeýdegi avtokólikterdiń qatysýymen 89 apat bolsa, osy oqıǵalar kezinde 32 adam ómirden ótip, 122 adam jaraqat alǵan.

«Qazaqstan Ishki ister mınıstrligi Reseı Federasııasy Ishki ister mınıstrligimen birge saraptama júrgizip, Qazaqstan aýmaǵynda reseılik tirkeýmen júrgen avtokólikterdiń saqtandyrý qujatyn teksergen bolatyn. Nátıjesinde 88 myń avtokóliktiń Reseı Federasııasy IIM esebinde joq ekendigi anyqtalǵan! Iаǵnı bul kólikter tártipke saı tirkelmegen nemese ony satqan reseılik azamattar jerkilikti tirkeýden alyp tastaǵan. Al bizdiń Qazaqstan Respýblıkasynyń zańdary boıynsha, tártipke saı tirkelmegen avtokólikterdiń jol qozǵalysyna qatysýyna tıym salynady» degen bolatyn BQO Polısııa basqarmasy Jergilikti polısııa qyzmeti bastyǵynyń orynbasary Sáken Shaıhıev.

Bul tyǵyryqtan shyǵýdyń jalǵyz joly – reseılik nómirli avtokólikterdi satyp alarda jergilikti polısııa bólimderine habarlasyp, kóliktiń tarıhyn tekserý qajet.

Reseı quqyq qorǵaýshylarynyń málimetine qaraǵanda, ol elden Qazaqstan aýmaǵyna ótken 606 avtokólikke izdeý salynǵan eken. Sonyń ishinde Batys Qazaqstan oblysynda 48 avtokólikke qatysty qylmystyq izdeý jarııalanǵan. Qazirgi tańda sonyń 11-i tabylyp, aıyp turaǵyna qoıylypty.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar