Tek 2021 jyly ǵana Qazaqstannyń jetekshi joǵary oqý oryndarymen birlesken kúsh-jigerdiń arqasynda memlekettik, sondaı-aq jeke menshik BAQ-tyń 4000-nan astam jýrnalısti elimizdiń áleýmettik-ekonomıkalyq ómiriniń mańyzdy salalaryn jarııa etý boıynsha tegin oqytýdan ótti. Daıyndalǵan jýrnalıster dezınformasııaǵa qarsy kúreste, sondaı-aq qazaqstandyqtardy jan-jaqty obektıvti aqparattyq aǵartýda BAQ pen áleýmettik jelilerdiń qazaqstandyq segmentin damytýǵa eleýli úles qosady dep kútilýde.
Jalpy, qazirdiń ózinde respýblıkalyq jáne óńirlik medıa jýrnalısteri medısına, etnosaralyq qatynastar, din, IT-salasy, ekologııa, agrarlyq sektor, qarjy jáne ekonomıka, quqyqtaný máselelerin aqparattyq jarııa etýdiń qyr-syry men erekshelikteri boıynsha oqytýdan ótti.
Ál-Farabı atyndaǵy QazUÝ, L.Gýmılev atyndaǵy EUÝ, S. Asfendııarov atyndaǵy QazUMÝ, M. Nárikbaev atyndaǵy KazGIýÝ, Halyqaralyq aqparattyq tehnologııalar ýnıversıteti, Halyqaralyq bıznes ýnıversıteti, M.Qozybaev atyndaǵy Soltústik Qazaqstan ýnıversıtetiniń jetekshi oqytýshylary trenıngter men semınarlardyń koýchtary boldy.
2021 jyldyń qyrkúıeginen bastap M. Nárikbaev atyndaǵy KazGIýÝ bastamasymen bakalavrıat stýdentteri úshin «Jýrnalıstıka: analıtıka jáne tergeýler», sondaı-aq Ál-Farabı Atyndaǵy QazUÝ-dyń magıstratýra stýdentterine arnalǵan «Ekologııalyq jýrnalıstıka» eki jańa bilim berý baǵdarlamasy iske qosyldy. Ekologııalyq jýrnalıstıkanyń damýy qazaqstandyqtardy qorshaǵan ortanyń ıgiligine áreket etýge yntalandyrýy tıis.
Budan basqa, Mınıstrlik «Medıa damytý qory» korporatıvtik qory bazasynda medıamamandardy oqytý maqsatynda mýltımedııalyq bilim berý-aqparattyq platformasyn iske qosty.
Salalyq jýrnalıstıkany damytý josparynyń mańyzdy bóligi retinde Mınıstrlik, salalyq uıymdar men salalyq kásiptik odaqtar arasynda 2021-2023 jyldarǵa arnalǵan kelisim jasasý boldy. Kelisim áleýmettik-ekonomıkalyq jáne eńbek qatynastaryn retteýdiń jalpy qaǵıdattaryn, salalyq jýrnalısterdi daıarlaý jónindegi Taraptardyń ózara mindettemeleri men jaýapkershiligin aıqyndaıdy dep kútilýde
