«Másele ol kólikterdi tirkeýde ǵana emes. Ishki ister mınıstrliginiń málimetinshe keıbir kólik quraldaryna Reseı Federasııasynda izdeý jarııalanǵan, al keıbir kólikterdi tirkeýden múldem shyǵaryp tastaǵan. On emes, myńdap sanalady. Demek ondaı kólikterge jaı nómirdi taǵa salǵan. Reseıde de tirkeýde joq, krımınaldyq jáne urlanǵan kólikter ǵoı», dedi Shyndalıev jýrnalısterge bergen suhbatynda.
Onyń aıtýynsha, esh jerde tirkelmegen jáne urlanǵan kólikterdi paıdalaný zańǵa qaıshy.
«Ol kólikterdi paıdalanyp otyrǵan adamdardyń áreketi zańsyz bolyp sanalady. Bárimiz – Qazaqstan azamatymyz. Zańǵa baǵynýymyz qajet, zańdy qurmetteýimiz kerek. Zańda kólikti tirkeýge qoıý qajet dep jazylǵan ba, ony tirkeýge qoıý kerek. Ony halyqtyń qaýipsizdigi úshin jasaıdy ǵoı», dep atap ótti Shyndalıev.
Osy oraıda bas prokýrordyń orynbasary Reseı nómirimen júrgen kólikterdi sebepsiz toqtatpaý máselesine de toqtaldy. Onyń aıtýynsha, adam óz erkimen zań talaptaryn oryndap, esh jerde tirkelmegen kólikti zańdastyrýy qajet.
