Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy óteýsiz áskerı-tehnıkalyq kómek kórsetý týraly Kelisim 2021 jylǵy 2 naýryzda elordada jasaldy. QR Qorǵanys mınıstriniń orynbasary Rýslan Shpekbaev atap ótkendeı, qujatty palatanyń jalpy otyrysynda usyna otyryp, kelisimniń qabyldanýy Ortalyq Azııa óńirindegi qaýipsizdikti nyǵaıtý qajettiligimen sharttasqan jáne Qyrǵyz Respýblıkasynyń Qarýly kúshterin damytýǵa járdemdesýge baǵyttalǵan.
Halyqaralyq ister, qorǵanys jáne qaýipsizdik jónindegi komıtettiń qorytyndysyna sáıkes kelisim boıynsha Qazaqstan tarapy Qyrǵyz tarapyna áskerı múlikti berý túrinde óteýsiz áskerı-tehnıkalyq kómek kórsetedi. Kelisimniń 3-babyna sáıkes Qazaqstan tarapy áskerı múlikti óz aýmaǵynan Qyrǵyz Respýblıkasynyń Qoı-Tash eldi mekenine deıin avtomobıl kóligimen jetkizýdi qamtamasyz etedi.
Halyqaralyq ister, qorǵanys jáne qaýipsizdik komıteti Parlament Májilisiniń «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy óteýsiz áskerı-tehnıkalyq kómek kórsetý týraly kelisimdi ratıfıkasııalaý týraly» Qazaqstan Respýblıkasy Zańynyń jobasyn maquldaýy týraly usynys engizedi.
