Foto: Ashyq derekkóz
Jańa qujat aıasynda eldegi baılanys nysandaryn, sonyń ishinde dińgek-antenna keshenderin ornatý, tirek qurylymdaryn jáne basqa da qajetti qurylys nysandaryn salý prosesi aıtarlyqtaı jeńildeıdi. Budan bylaı bul maqsattar úshin jer telimderin berý tártibi ońaılatylady. Sonymen qatar erekshe qorǵalatyn tabıǵı aýmaqtardyń ózinde belgilengen zańdy tártipti saqtaı otyryp, baılanys jelilerin júrgizýge resmı túrde ruqsat berilmek.
Endi eGov Mobile qosymshasy arqyly taýardyń túpnusqalyǵyn tekserýge bolady
Uıaly baılanystyń abonenttik qurylǵylaryn verıfıkasııalaý (túpnusqalyǵyn tekserý) fýnksııasy endi memlekettik monopolııaǵa, naqtyraq aıtsaq, Memlekettik radıojıilik qyzmetiniń quzyretine ótedi. Bul norma naryqqa sapasyz ónimderdiń kirýin shektep, tutynýshylarǵa satyp alynatyn telefondardyń túpnusqalyǵy men qaýipsizdigine kepildik beredi, sondaı-aq qoǵamdyq jáne jeke qaýipsizdik deńgeıin arttyrady.
Sondaı-aq azamattardy áleýmettik jáne memlekettik mańyzy bar mobıldi qosymshalarmen (mysaly, eGov) táýlik boıy jáne tarıfsiz qamtamasyz etý usynylady.
Buǵan qosa, zań arqyly derekter ortalyqtarynyń krıterııleri jańartylady. Atap aıtqanda, jeke jáne zańdy tulǵalar ýákiletti organdy qurylys jumysy bastalǵany jáne derekterdi óńdeý ortalyqtarynyń paıdalanýǵa berilgeni týraly habardar etýge mindetteledi.
Jekelegen normalar spýtnık baılanysyn damytýdy, geostasıonarlyq emes spýtnıkterdi paıdalaný sharttaryn jańartýdy jáne Qazaqstannyń Biryńǵaı telekommýnıkasııalar jelisine kiretin zattar ınterneti jelileriniń qyzmetin retteýdi jáne basqa da baǵyttardy qamtıdy.
