Qyzylordada – qymbatshylyq

Otyrysta aımaq basshysy Pre­zıdent Qasym-Jomart Toqaevtyń Úkimetke jáne Ult­tyq bankke ınflıasııany 8,5 paıyz deńgeıinde ustap turý tapsyrmasyna sáıkes óńirdegi kórsetkish osy mejede saqtalýy ke­rektigin aıtyp, jaýapty sala basshylaryna birqatar mindetteme júktedi.

Negizgi azyq-túlik baǵala­ryn tu­raq­tandyrýdaǵy ba­sym­dyq­tar­dy atap ótken oblys­tyq aýyl sharýa­shylyǵy basqar­ma­synyń basshysy Talǵat Dúı­se­baev baǵanyń ne­giz­siz ósýine jol bermeý úshin turaq­tan­dyrý qory­nan taýarlyq ınter­ven­sııa­lar júrgizý mehanızmi qolǵa alyn­­ǵanyna toqtaldy. Osy­nyń ná­tıjesinde turaqtandyrý qo­rynda 189,1 mln teńgeniń 1 161,4 tonna taýa­ry saqtalyp tur. Al áleý­mettik ma­ńyzy bar 19 ónimge úsh aılyq qajet­tilik 68,3 myń tonna, onyń 59,2 myń ton­nasy jetkizilgen. Oblysty tolyq qamtý úshin «Baıqońyr» ÁKK» AQ arqyly 1 685,4 tonna áleýmettik mańyzy bar ónimderdi jetkizýge keli­sim alynsa, 1 900 tonna ónim mem­le­kettik satyp alý arqyly alynady.

Azyq-túlik baǵalaryn turaq­ty ustap turýdyń bir amaly jár­meńkeler uıymdastyrý bolyp otyr. Jyl basynan beri 35 ret aýyl sharýashylyǵy jármeńkesi ótkizildi. Basqarma basshysy ból­shek saýdada baǵasy 15%-dan jo­ǵarylaǵan ónimderge shekti baǵalardy oblys ákimdigi arqyly bekitý jóninde qaýly jobasyn ázirleý boıynsha jumystar júr­gizilgenin aıtyp ótti. Jobada kúnbaǵys maıyn 781, pııazdy 106, sábizdi 221, kartopty 158, al qant­ty 286 teńge kóleminde be­kitý usynylyp otyr.

Jıyn barysynda oblys áki­mi azyq-túlik baǵasynyń ósýi ha­­lyqty alańdatyp otyrǵan ózek­­ti másele eke­nin nazarǵa salyp, qala jáne aýdan ákimderine nan­nyń ortasha baǵasyn 90 teń­geden asyrmaýdy tapsyrdy. Bul baǵytta tıisti monıtorıng jumystary udaıy júrgizilmek.

– Qazir halyqty alańdatyp otyr­ǵan ózekti másele – azyq-túlik baǵa­synyń ósýi. Muny retteý maqsa­tyn­da ár aptanyń senbisinde Pre­mer-Mınıstr Asqar Mamınniń tór­­aǵalyǵymen májilis ótkizilip jat­­­q­anyn bile­sizder. Jyl aıaqtalyp qaldy, jeltoqsan aıyndaǵy merekeler qarsańynda ádettegideı saý­da-sattyq kólemi ulǵaıyp, azyq-tú­lik baǵalarynyń ósetini belgili. Osynyń aldyn alý sharalaryn qarastyrýy­myz qajet. Úkimettiń tapsyrmasyna sáı­kes azyq-túlik taýarlaryna baǵa bel­gileýdiń búkil tizbegi boıynsha del­daldyq shemalardy tekserý jó­nindegi komıssııanyń qurylǵanyna 1 aı­dan astam ýaqyt ótti. Degenmen júk­telgen mindetter oryndalmaı otyr. Qyzylorda qalasy men aýdan ákimderi tıisti jumys­tardy apta so­ńyna deıin tııa­naqtap, aqparatty aýyl sharýa­shylyǵy basqarmasyna joldaýy kerek. Jaýapty basqarma basshysy jınaqtalǵan aqpa­ratty básekelestikti qorǵaý já­ne da­my­tý departamentine jet­ki­zip, nátıjesin baıandaýy tıis. Al departament azyq-túlik ta­ýar­larynyń baǵalaryna taldaý júrgizip, zań buzýshylyq anyq­talǵan jaǵdaıda Qyzyl­orda qalasy jáne aýdan ákimdik­terine usynys engizedi. Baǵa tu­raqtylyǵyn saqtaý úshin osyndaı birlesken jumys qajet, – dedi G.Ábdiqalyqova.

Jıynda oblystyq kásipker­lik jáne týrızm basqarmasy­nyń basshysy Ferdoýsı Qojaber­ge­nov azyq-túlik emes taýarla­ry­nyń baǵasyna qatys­ty negizgi kórsetkishterdi saralady. Bıyl azyq-túlik emes taýarlardyń baǵasy ótken jyldyń esepti kezeńimen salystyrǵanda 6,7 pa­ıyzǵa ósipti. Tur­mystyq, qu­rylys taýarlarymen qatar ósim janar-jaǵarmaı baǵasynda da baıqalyp otyr.

Aımaq basshysy azyq-túlik emes taýarlardyń baǵalary jal­­py ınflıa­sııaǵa úlken áser ete­tinin atap ótti. Máselen, ót­ken jylǵy pandemııa kezinde saýda-ekonomıkalyq baı­lanys­tar ýaqytsha úzilip, taýar men shıkizattar tapshylyǵynan na­ryq baǵasy kóterilip ketti. Ási­rese, el arasynda janar-ja­ǵarmaı baǵasynyń ósýi men tap­shylyǵyna baılanysty renish aıtatyndar az emes. Aımaq basshysy energetıka jáne kommýnaldyq sharýashylyq basqarmasy bas­shysyna osy ózgeristerge oraı tur­ǵyndarǵa túsindirý jumys­taryn kúsheıtýdi tapsyrdy.

Oblysta aqyly qyzmet kórsetý baǵalarynda da ósim baı­qalady. О́tken jyldyń osy keze­ńimen salystyrǵanda keshendi demalysty uıymdastyrý 31,4, jolaýshylardyń áýe tasyma­ly 17,5, al poshta qyzmeti 12,5 pa­ıyzǵa ósken. Taýarlar baǵasyna deldaldar qyzmetiniń de keri áser etip otyrǵanyn eskermeske bolmaıdy. Osyǵan baılanysty oblys ákimi azyq-túlik emes taýarlar baǵasyn retteý boıynsha deldaldyq shemalardy tekserý qajettigin atap ótti.

Jıyn sońynda aımaq basshysy tıisti sala basshylaryna tamaq ónimderiniń ásirese, halyq jıi tuty­natyn 19 túrli taýar baǵasynyń shek­ti baǵadan asyp ketpeýi úshin baqy­laýdy kúsheıtip, kún saıyn monıtorıng júrgizýdi mindettedi. Baǵany turaq­tandyrý úshin qosymsha qarjy bólý múmkindikterin qaras­tyrýdy júktedi.

Qyzylorda oblysy