Jer-jahanda pandemııanyń qaıta órshýine baılanysty kúni keshe ǵana Halyqaralyq áýesqoı boks qaýymdastyǵynyń (AIBA) basshylyǵy osyndaı sheshim qabyldady. Jáne de osy aqparatty olar ózderiniń resmı saıtynda jarııalady. «Keıbir komandalardyń álemdik dodaǵa tyńǵylyqty daıarlanǵanyn jaqsy bilemiz. Osy jaǵymsyz jańalyqty estigen bette olardyń kóńilderi sý sepkendeı basylatyny anyq. Árıne, biz olardy jaqsy túsinemiz. Biraq bizder úshin eń bastysy – sportshylar men bapkerlerdiń jáne osy salanyń basy-qasynda júrgen azamattardyń densaýlyǵy men qaýipsizdigi. Sol sebepti de osyndaı qadamǵa barýǵa májbúr bolyp otyrmyz», deıdi AIBA prezıdenti Ýmar Kremlev.
Sóıtip, álem chempıonaty keıinge shegerildi. Shamasy ol kelesi jyly sol Anadoly elinde ótedi. Biraq atalǵan jarystyń jalaýy naqty qaı ýaqytta jelbireıtini áli naqtylanǵan joq.
