Elordalyq Polısııa departamentinde «Jol qaýipsizdigin qamtamasyz etý. Mas kúıinde kólikti basqarýdyń jolyn kesý boıynsha reıdtik is-sharalar ótkizý» taqyrybynda brıfıng ótti.
Polısııa departamenti tarapynan elorda joldarynda jol qozǵalysy qaýipsizdigin qamtamasyz etýge baǵyttalǵan is-sharalardy turaqty túrde júzege asyrady.
Sondaı-aq apattyq taldaýdy eskere otyryp, beketterdiń ornalasýyna jáne saptyq bólimshelerdiń patrýldeý baǵyttaryna túzetýler engiziledi.
О́tken kezeńde 130 myńnan astam jol qozǵalysy erejelerin buzǵandardyń joly kesildi.
Kólikti mas kúıinde basqarǵany úshin 1 181 júrgizýshi ustaldy.
1 400-den astam apattyq jaǵdaılardy týǵyzý faktileriniń joly kesildi. 16 653 jaıaý júrginshige aıyppul salyndy.
(5036) mektepterdiń jáne (874) mektepke deıingi mekemelerdiń qamtylýymen onlaın jáne oflaın rejımde balalardyń jol-kólik jaraqatynyń aldyn alý boıynsha dárister uıymdastyryldy.
Júrgizýshiler arasynda kólik tártibin arttyrýǵa baǵyttalǵan «Mas júrgizýshi qylmysker», «Avtobýs», «Nazar aýdaryńyz baǵdarsham», «Nazar aýdaryńyz balalar», «Qaýipsiz jol» jáne t.b. jedel-aldyn alý is-sharalary júrgizilýde.
Máselen aıta ketsek, jol qaýipsizdigin kúsheıtý maqsatynda aǵymdaǵy jyldyń 8-17 qarashasy aralyǵynda qala aýmaǵynda «Qaýipsiz jol» atty respýblıkalyq aldyn alý is-sharasy ótkizilýde.
Jol júrý erejelerin qadaǵalaý kezinde jol júrýdiń apattyq jaǵdaıyna áser etetin óreskel buzýshylyqtarǵa sondaı-aq jaıaý júrginshilermen jumys júrgizýge erekshe nazar aýdarylady.
«Qaýipsiz jol» jedel aldyn alý is-sharasyn ótkizýdiń alǵashqy eki kúninde departament qyzmetkerleri múddeli organdarmen birlesip, jol qozǵalysy erejelerin buzýdyń 1436 deregin anyqtady.
20 kólikti mas kúıinde basqarý;
apatty jaǵdaı týdyrǵany úshin 19 buzýshylyq anyqtaldy;
33 qarama-qarsy baǵytqa shyǵyp ketý;
37 baǵdarshamnyń tyıym salynǵan belgisine ótý;
238 jaıaý júrginshilerdiń joldyń júrý bóligin kesip ótý syndy faktiler anyqtalyp barlyǵy 82 avtokólik aıyppul turaǵyna ornalastyryldy.
«Qaýipsiz jol» atty jedel-aldyn alý sharasy aıasynda avtosherý uıymdastyryldy.
