«Medısına mekemelerinde kámeletke tolmaǵandarǵa ekpe salýdyń birinshi kezeńi bastaldy. Kelesi aptadan bastap mektepterge shyǵamyz. Buǵan deıin mekteptermen birlese otyryp, biraz jumys atqardyq. Búginde qalamyzda 12 men 18 jas aralyǵyndaǵy 1619 bala ekpe alýǵa daıyn. Ruqsat bergen ata-analardyń tizimi de bar. Bul jaǵdaıda ata-ananyń kelisimi bolmasa, telefon soǵyp, ata-ananyń kelisimin suraımyz», deıdi Almaty qalalyq qoǵamdyq densaýlyq saqtaý basqarmasynyń orynbasary Laýra Myrzaǵalı.
Almaty qalalyq sanıtarlyq-epıdemıologııalyq baqylaý departamentiniń basshysy, qalanyń bas memlekettik sanıtarlyq dárigeri Jandarbek Bekshın ata-analar qalasa, balasyna ekpe jasaǵan kezde qasynda bola alatynyn aıtty.
«Bul – óte mańyzdy shara. Eger ata-analar ekpege qatysýǵa nıet bildirse, emhanalardaǵy egý pýnkteri demalys kúnderi jumys isteıdi. Bolashaqta mektepterdiń medısınalyq pýnktilerinde iske qosamyz», dedi ol.
