«Biz ınnovasııalar men startaptardy damytýǵa qolaıly jaǵdaı jasaýymyz qajet. Bul – aqparattyq tehnologııa dáýiriniń basty talabynyń biri. Sizderdi Túrki uıymynyń zamanaýı tehnoparkter ortalyǵyn qurý máselesin zerdeleýge shaqyramyn. Sondaı-aq, kelesi jyly IT salasynda eńbek etip júrgen jastarymyzdyń arnaıy forýmyn ótkizýdi usynamyn», dedi ol Túrki keńesiniń sammıtinde.
Onyń aıtýynsha, atalmysh sharany «Astana Hub» halyqaralyq IT startaptar tehnoparkinde uıymdastyrýǵa bolady.
«Qazir onda 560-tan astam kompanııa jumys istep jatyr. Onyń 55-i – sheteldik kompanııa. Startaptar sońǵy 2,5 jylda 375 mıllıon dollardan astam paıda tapty. Sondaı-aq, 132 mıllıon dollarǵa jýyq ınvestısııa ákeldi. Jalpy, «Astana Hub» tehnoparkinde jeńildetilgen vızalyq rejım bar. Al, onda jumys isteıtin kompanııalar salyqtan bosatylady», dedi Qasym-Jomart Toqaev.
