Kezdesý barysynda eki eldiń basshylary saýda-ekonomıkalyq, ınvestısııalyq, mádenı-gýmanıtarlyq salalardaǵy qazaq-majar yntymaqtastyǵynyń damý perspektıvalaryn talqylady. Pandemııaǵa qarsy kúres sharalary men klımattyń ózgerýine qatysty máseleler qozǵaldy. Sondaı-aq olar aımaqtyq kún tártibindegi ózekti máseleler, onyń ishinde Aýǵanstandaǵy jaǵdaı jóninde pikir almasty.
«Qasym-Jomart Toqaev Vıktor Orbanǵa iltıpat bildirip, Qazaqstan men Majarstan arasyndaǵy ekijaqty qatynastardyń damýyn joǵary baǵalady jáne ártúrli deńgeıdegi ózara baılanystardyń qarqyndy damyp kele jatqanyn atap ótti. Qazaqstanda Majarstandy jaqsy biledi jáne oǵan qurmetpen qaraıdy. Bizdiń Ortalyq Eýropadaǵy alǵashqy elshiligimiz Býdapesht qalasynda ashyldy. Yntymaqtastyǵymyzdyń áleýeti zor. Sondyqtan bizdiń ortaq mindetimiz vedomstvolarymyz ben úkimetterimizdi alǵa umtylýǵa, onyń ishinde ekonomıka baǵytynda ilgerileýge, sondaı-aq BUU jáne EQYU sııaqty halyqaralyq uıymdar aıasynda yqpaldastyq jasaýǵa yntalandyrý dep oılaımyn», dedi Memleket basshysy.
О́z kezeginde Majarstannyń Premer-Mınıstri eki el halyqtarynyń tarıhı tyǵyz baılanystaryn atap ótti.
Kezdesý sońynda Vıktor Orban Qazaqstan Prezıdentin keler jyly Majarstanǵa saparmen kelýge shaqyrdy.
