«Búgin balyq sharýashylyǵy salasyndaǵy iri bıznes ókilderimen kezdestim», - dep jazdy Mınıstr Tvıtterdegi paraqshasynda.
Kezdesý barysynda jeńildikti salyq salý, ınvestısııalyq jáne sharýashylyq shyǵyndardy sýbsıdııalaý, aınalym qarajatyn tolyqtyrý úshin jeńildetilgen nesıelendirýge qol jetkizý jáne tehnologııalyq jabdyq satyp alý bóliginde memlekettik qoldaý kórsetý máseleleri talqylandy. Sondaı-aq balyq jáne balyq ónimderi monıtorınginiń aqparattyq júıesin engizý máseleleri de ortaǵa salyndy.
Mınıstr búgingi tańda Balyq sharýashylyǵyn damytýdyń 2030 jylǵa deıingi baǵdarlamasy júzege asyrylyp jatqanyn, onyń sheńberinde balyq ósirýmen aınalysatyn sýbektiler úshin qolaıly jaǵdaı jasaý, ózekti máselelerdi sheshý jáne zańnamany jetildirý boıynsha júıeli sharalar qabyldanatynyn atap ótti.
Kezdesý sońynda mınıstr Balyq sharýashylyǵy komıtetine bıznes sýbektileri kótergen máselelerdi qarastyryp, olardy sheshý boıynsha naqty tapsyrmalar berdi.
