Bul týraly kartınanyń prodıýseri Dıana Áshimova Instagram-daǵy paraqshasynda jazdy. Dúnıejúzilik Azııa kınofestıvali (AWFF) osymen jetinshi ret, jyl saıyn ótkizilip keledi. Onda azııalyq rejısserlerdiń jumysy kórsetiledi. Bul festıval gollıvýdtyq jáne azııalyq oıyn-saýyq ındýstrııasy arasyndaǵy baılanysty nyǵaıtady. Bıyl baıqaýǵa 20-dan astam elde túsirilgen 30 fılm qatysty.
Eske sala keteıik, «Ot» fılmi búgingi qoǵamda ómir súrip júrgen qarapaıym adamnyń oqıǵasyn baıandaıdy. Tolık (Tólepbergen Baısaqalov) - úlken megapolıste ómir súrýge jáne otbasyn asyraýǵa tyrysatyn úlken otbasynyń basshysy. Ol kýrer bolyp jumys isteıdi, azǵantaı jalaqyǵa otbasyn asyraı almaǵandyqtan, ol da kóptegen adamdar sııaqty nesıe alyp, qaryzǵa batyp ómir súrýge májbúr bolady. Biraq sonymen birge ol qyzyna úlken úmit artady. Kúnderdiń kúninde jumystan úıge oralǵanda, qyzy Sáýleniń júkti ekeni týraly kútpegen jerden habardar bolady.
Bul jańalyq qyzynyń bolashaǵyna arnalǵan josparlardyń kúl-talqanyn shyǵarady. Jaǵdaıdy sheshýge tyrysqan Tolık birqatar qıyndyq pen oqıǵaǵa tap bolady. «Ot» fılminiń álemdik premerasy Pýsandaǵy (Ońtústik Koreıa) halyqaralyq kınofestıvalde ótti.
О́tken aptada akter Tólepbergen Baısaqalov Sochı kınofestıvalinde «Úzdik er adam róli úshin» marapatqa ıe boldy.
Fılmdi QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵy kómegimen A-Team Production kompanııasy túsirgen.
